سايبك عشان الاستقرار| مرتضى منصور لـ كارتيرون: مش هتقدر تستفزني

وجه مرتضى منصور، رئيس نادي الزمالك عدة رسائل ساخنة إلى الفرنسي باتريس كارتيرون، المدير الفني لفريق الكرة الأول بالنادي، وذلك على هامش الجلسة التي يعقدها الآن رئيس القلعة البيضاء مع مسؤولي جروبات وصفحات الزمالك على مواقع التواصل الاجتماعي.

وخلال الجلسة المشار إليها قال مرتضى منصور: مش هتستفزني يا كارتيرون وهافضل أزق فيك ومش هاتقدر تستفزني واخترنا مدرب عام ومدرب مساعد.

بدء اجتماع مرتضى منصور مع مسئولي جروبات الزمالك | صور

مرتضى منصور يلغي الغرامات المتأخرة على أعضاء نادي الزمالك ويمهلهم 15 يوما للسداد

ووجّه منصور رسالة إلى وكيل كارتيرون: مش هتدخل النادي تاني يا حازم يا فتوح ومش انت اللي هاتمشي كلامك على الجمعية العمومية ومش هستجيب لأي استفزازات.

وواصل مرتضى منصور حديثه عن مدرب الفريق الأبيض قائلًا: بس أنا مش ناسي هروبه واللي بيحصل في الفريق شيء بشع أنا بس سايب كارتيرون عشان الاستقرار. 

وأضاف منصور: اللاعب اللي قال لأسامة نبيه أنا مش هخرج من المعسكر عشان أنا زيي زي كارتيرون ومصوره أنا عارف كل حاجة.. أنا عاوزه يرجع كارتيرون بتاع زمان ويعرف إن مفيش حد يقدر يمشِّي كلامه على المجلس.

ووجّه منصور رسالة كذلك إلى عمرو درديري المتحدث السابق للنادي قائلًا: مينفعش اللي بتعمله وتقعد تتكلم كدا قدام سيف زاهر.. لا الزمالك مش مسخرة متعرفش تتكلم متطلعش انت بقى عندك ملايين على صفحتك بسبب المسخرة اللي بتعملها دي.

وتابع رئيس الزمالك قائلًا: مش هسمح بقيد ابن حسين السيد في الفريق عشان أبوه الكلام ده مش معايا أنا.. وفصلت باسم السبكي اللي قريبه قتل المنسي وأنا فصلته ورجعوه تاني ليه.. احترموا البلد.

وأكد مرتضى منصور أنه حزين لحالة فريق الكرة بالنادي، والخسارة التي تعرض لها الفريق أمام الأهلي بخمسة أهداف مقابل ثلاثة.

وقال مرتضى في جلسته مع مسئولي صفحات الزمالك بمواقع التواصل الاجتماعي اليوم الجمعة إنه تم التفريط في عدد من نجوم الفريق في الفترة الماضية بالرغم من حاجة الفريق لهم.

وأضاف منصور: مصطفى محمد يستحق مبلغ 10 أو 15 مليون دولار لبيعه، وليس المبلغ الهزيل الذي تم وضعه في عقد إعارته.