سيدة بالقليوبية تستغيث: جيرانا عاوزين يطردونا من بيتنا.. وحطوا السكينة على رقبة جوزي | بث مباشر
استغاثت أسرة تعيش في عقار يملكوه يقع في قرية بسوس التابعة لمركز القناطر الخيرية، في محافظة القليوبية؛ بسبب اعتداء أحد الجيران عليهم ورغبتهم في طردهم من منزلهم الذي يمتلكوه في الأساس.
وقالت السيدة صاحبة العقار: الناس دول ساكنين معانا في شقتين في عمارتنا واحدة بعقد مفتوح والتانية بعقد محدد، بس مبهدلينا وكل شوية يتهجموا علينا ويضربونا، وضربوا بنتي وهي نازلة قبل كده وابنهم شق الجلبية بتاعتها، وكل شوية يتعدوا علينا ويقولولنا إحنا هنمشيكوا من هنا ده مش بيتكوا ده بيتنا إحنا ولازم تمشوا من هنا.
كما أوضحت أنها عندما حاولت أن تتحدث معهم لحل المشكلة، اعتدوا عليها بالضرب وتعرضت للإغماء نظرًا لأنها مريضة سكري، وقالت: لما جوزي جيه ضربوه وحطوا السكينة على رقبته وبهدلونا.
وتابعت صاحبة العقار بالقليوبية حديثها قائلة: أنا بناشد المسئولين إنهم ينقذونا من اللي إحنا فيه ويكسبوا فينا ثواب وينصرونا، إحنا مالناش غير ربنا هو اللي معانا، ومش عارفين نتحرك ولا نعيش في بيتنا ولا حتى نتعامل معاهم عشان بيقولونا إحنا بلطجية وماحدش هيقدر علينا.
