أحمد يونس: كان حلم حياتي أكون مذيع ردايو.. وجمهوري من الثانوية العامة
قال المذيع أحمد يونس، إنه تخرج في كلية آداب قسم إنجليزي، وكان حلمه العمل كمذيع راديو.
وأضاف في برنامج واحد من الناس، المُذاع على تلفزيون الحياة، والذي يقدمه المذيع عمرو الليثي: أنا اتخرجت في كلية آداب قسم إنجليزي، وكان كل حلمي أكون مذيع راديو، ولاقيت إعلان شغال بيقول تراقبوا نجوم إف إم.
وتابع يونس: من هنا بدأت رحلة البحث، وفضلت أدور على نجوم إف إم، وروحت على مدينة الإنتاج الإعلامي، عشان ادخل نجوم إف إم، وأول يوم شوفت جيهان عبد الله، وبقولها أنا عاوزة أقدم، فقالت لي: تعالى.
وواصل أحمد يونس: اتكلمت مع الإدارة قالوا لي، إحنا عاوزين معديين، قلت لهم لا أنا عاوز أبقى مذيع، لحد ما سلموا في الأمر الواقع وبقيت مذيع.
واستكمل يونس: أنا أول حاجة أخدتها، فقرة اسمها نص ساعة مع أحمد يونس، بعد برنامج الأستاذ أسامة منير.
وأشار إلى أن برنامج على القهوة، كان تحديا كبيرا للغاية، لأن جمهوري كان ليلي، مؤكدًا أنه يستهدف جمهور الثانوية العامة.
