أحمد يونس: شوفت حاجات كتير مخيفة.. وكنت عايش في بيت مسكون
قال المذيع أحمد يونس، إنه شاهد الكثير من الأشياء الغريبة والغير مألوفة، بالتزامن مع تقديمه البرامج المرعبة.
وأضاف يونس في تصريحاته لبرنامج واحد من الناس، المُذاع على قناة الحياة، ويقدمه الإعلامي عمرو الليثي: أنا شوفت حاجة ومراتي وأمي وبنت أخويا شافوا بنت صغيرة لابسة طرحة بيضا، وبتظهر وقت معين في اليوم، ومحدش فينا بيحكي للتاني.
وواصل يونس:رجعت من الشغل لقيت مراتي منهارة وبتقولي شوفت واحدة لابسة جلابية وطرحة بيضا، وبعد شهور بنت أخويا كانت سهرانة وانهارت وقالت إنها شافتها واقفة جنب السفرة.
وأكد يونس، أنه رأى العديد من الأشياء المخيفة والمرعبة، معقبًا: البنت اللي شفتها اسمها إيمان، وعندها 16 أو17 سنة، لما بنام مخضوض بصحى ألاقيها في وشي، وكنت ساكن في منزل غير طبيعي.
وأوضح المذيع أحمد يونس أنه تخرج في كلية آداب قسم إنجليزي، وكان حلمه العمل كمذيع راديو، مضيفًا: كان كل حلمي أكون مذيع راديو، ولاقيت إعلان شغال بيقول تراقبوا نجوم إف إم.
وواصل يونس: من هنا بدأت رحلة البحث وفضلت أدور على نجوم إف إم، وروحت على مدينة الإنتاج الإعلامي، عشان أدخل نجوم إف إم، وأول يوم شوفت جيهان عبد الله، وبقولها عاوزة أقدم، فقالت لي، تعالى.
