جلسة تصوير رنا سماحة خلال ولادتها يثير الجدل.. والطبيب: سيشن مفاجئ أثناء الطلق

نشر طبيب يدعى "أ.م" على صفحته في الساعات الماضية، صورا للمطربة رنا سماحة عقب ولادتها وقبل دخولها غرفة العمليات وأثناء الولادة تحت عنوان سيشن الولادة، معلقا: كانت على غفلة الساعة 2 بليل، وأثناء طلق الولادة.

وأضاف الطبيب: بس اللي عايزة تفرح بتفرح يا جماعة، واللي عايزة تخلي يوم ولادتها مميز بتخليه واللي واثقة في الدكتور بتاعها تعمل أكتر من كده.

الأمر الذي أثار جدلا واسعا على مواقع التواصل الاجتماعي، وتداول نشطاء مواقع التواصل الصور، معلقين عدة تعليقات أبرزها الساخر والمعارض.

تعليقات ساخرة من نشطاء مواقع التواصل 

علق حساب آخر باسم شيماء سودان: عندها طلق وبتتصور كده ليه حامل فى قطة.

الروچ يشكل خطورة على حياة الأم أثناء الولادة

كما علق حساب آخر باسم مريم قاوونة: ازاي دخلت عمليات بميكب كان ف بوست قبل كدة لدكتور بيقول الروچ بيخلينا مش عارفين لون الشفايف الطبيعي أثناء الولادة والمانيكير نفس الكلام وكل الحاجات دي يعني، ولا ده لزوم الصور وهيتمسح.

وكتب حساب باسم إيمي مصطفى: يعني دي ولادتها جات فجأة وعملت سيشن وميك اب دا كله فجأة دا أنا لو صحيت من النوم بأخذ ساعتين اتعرف على نفسي.

تعليقات مستنكرة فعلة رنا سماحة والدكتور

كما علق حساب باسم جنتي: بحاول أقنع نفسي وأصدقكم بس عقلي رافض خالص.

وكتب حساب باسم سلوى عياط: الواحد مش عارفه هو هيبقى في ايه ولا في ايه، بدل ما تدعي ربنا يقومها بالسلامة
حاطة ميك اب.

رنا سماحة بعد انتقادات ظهورها بفستان لافت: بطني مش مضيقاني ولا عايزة أخبيها