مصطفى حجاج: مكنتش هعمل أغنية يا منعنع.. وجورج وسوف مثلي الأعلى
تحدث الفنان مصطفى حجاج عن مشواره الفني، وعن مساعدة ودعم مهندس الصوت هاني محروس له في بداياته.
وقال مصطفى حجاج، خلال لقائه مع إسعاد يونس في برنامج صاحبة السعادة: بدأت أغني في الأفراح بتاعت خط الدلتا والدقهلية من وأنا 12 سنة، وقعدت أكتر من 15 سنة بغني في الأفراح بتاعت زمان.
وواصل حجاج: أنا كنت بحلم وربنا حققلي حلمي، وكنت بسمع شغل شركة فري ميوزك وكنت بنبهر ونفسي أشوف نفسي كدا في يوم، ومثلي الأعلى جورچ وسوف وبهاء سلطان، وكنت بقعد أتخيل أني هبقى زي الناس دي، وربنا وفقنا والحمد لله.
وأضاف حجاج: مكنتش عايز أغنية يا منعنع؛ لأني متعود على نظام الموال اللي كنت بغنيه في الأفراح، وأغاني جورج وسوف وكدا، وكنت خايف من الأغنية لأنها جديدة عليا وأول مرة أعمل حاجة كدا، بس بعد ما عملتها، وشوفت قد إيه الأغنية نجحت قولت لهاني محروس كان عندك حق.
أغنية يا منعنع
وفي سياق متصل، تعد أغنية يا منعنع نقطة فاصلة في مسيرة مصطفى حجاج الفنية، وأشهر أغانيه، حيث كسرت حاجز الـ250 مليون مشاهدة منذ طرحها على موقع الفيديوهات يوتيوب، والأغنية من تأليف وألحان عزيز الشافعي، وتوزيع أسامة عبد الهادي، وهندسة صوت هاني محروس.
أغنية ياباي
والجدير بالذكر أن آخر أعمال مصطفى حجاج هي أغنية تحمل اسم ياباي، من كلمات وألحان محمد النادي، وتوزيع جلال الحمداوي، وهندسة صوت هاني محروس.
