مرتضى منصور: تنازلت عن 16 قضية ضد الخطيب.. وبمد إيدي للصلح | فيديو

قال المستشار مرتضى منصور رئيس نادي الزمالك، إنه تنازل عن نحو 16 قضية تقدم بها في وقت سابق ضد الكابتن محمود الخطيب رئيس النادي الأهلي، وضد مجلس إدارة النادي أيضًا.

وعلق المستشار مرتضى منصور موجهًا حديثه لـ الكابتن محمود الخطيب: عاوز تبدأ صفحة جديدة معانا أنا بمد إيدي، حضرتك عاوز تكمل أهو أنت جربتني في المحاكم، وأتمنى إن الحكم اللي صدر من القضاء ينهي أي زعل بيني وبينك.

وواصل رئيس نادي الزمالك: أتمنى نبدأ صفحة جديدة عشان بلدنا مصر، ميبقاش الرئيس عبد الفتاح السيسي بيعمل إنجازات في الصعيد وأسوان والأقصر، وإحنا هنا بنتخانق على حاجات عبيطة على لاعب مثلًا، وأتمنى رسالتي توصل لجمهور الزمالك والأهلي عشان البلد مش ناقصة.

براءة مرتضى منصور من سب وقذف الخطيب

وجدير بالذكر أن محكمة القاهرة الاقتصادية قضت يوم الأحد الماضي، ببراءة المستشار مرتضى منصور، رئيس نادي الزمالك، من تهمة سب وقذف الكابتن محمود الخطيب رئيس النادي الأهلي، وذلك في الدعوى التي رفعها الخطيب ضده، واتهمه فيها بالسب والقذف على مواقع التواصل الاجتماعي.