شبانة: الأهلي يخطط لضم نجم الزمالك.. هل هو بن شرقي أم طارق حامد؟
علق الإعلامي محمد شبانة على تصريحات أمير توفيق مدير التعاقدات بالنادي الأهلي، حول قانونية التفاوض مع أي لاعب ينتهي عقده بنهاية الموسم الجاري.
الأهلي يمهد لضم نجم الزمالك
وتابع شبانة في تصريحات تليفزيونية: الأهلي يبدو أنه في طريقه لضم لاعب كبير في الزمالك، لكن هل يكون تمهيدا لضم المغربي أشرف بن شرقي أم طارق حامد؟
وواصل شبانة: سيد عبد الحفيظ مدير الكرة بالأهلي، تحدث من قبل بشكل مميز عن طارق حامد، وقال إنه اللاعب الوحيد الذي يتمنى ضمه للمارد الأحمر من الزمالك.
أمير توفيق يتحدث عن احتياجات الأهلي
وقال أمير توفيق في تصريحات إذاعية: طبيعي جدًا إن في النادي الأهلي بنشوف كل المراكز اللي ممكن تفيدنا في الفريق، وبعد ما ناخد الموافقة الفنية من اللجنة نشوف الموضوع ماديًا الموضوع عامل إزاي.
وتابع توفيق: بنشوف هل مثلا هو لاعب فري ممكن مناسب ييجي عندنا ولا لاعب بيلعب في نادي تاني نتفاوض مع ناديه.
وأضاف: مثلًا لو في لاعب فري دلوقتي وعقده هيخلص في شهر 6 الجاي نقدر نتكلم معاه من دلوقتي قانونيًا، في لاعيبة كتير دلوقتي لو اتكلمت معاهم مفيش مشكلة قانونية فبتفكر تتكلم معاهم وتبدأ تشوف لو في موافقة من اللجنة الفنية.
واختتم مدير التعاقدات بالأهلي: مفيش حاجة اسمها اتجاه إنك تشوف وتتعاقد مع لعيبة فري فقط، هو خيار متاح تشوف في السوق المحلي أو الأجنبي الناس اللي تناسبك سواء كان فري أو لا وتبدأ تتفاوض لو في موافقة فنية.
