معتمد جمال: محمد صبري شخص عمره ما هيتكرر.. وكان نفسي أعمل أكتر من كده عشانه
تحدث معتمد جمال المدير الفني لفريق الكرة الأول بنادي الزمالك، عن صديق عمره الراحل محمد صبري، موجهًا له رسالة خاصة.
تصريحات معتمد جمال
وقال معتمد جمال في تصريحات عبر برنامج الكرة مع فايق: جماهير الزمالك مش زي أي جماهير، وتلك البطولة هي أصعب بطولة دوري في تاريخ نادي الزمالك، والأصعب في جميع بطولات النادي.
وأضاف: شوفت إن الناس مش مقتنعة بيّا، وأنا أحسن واحد في مصر أسمع الانتقادات وأشوف كل حاجة، وكان فيه في البداية ناس زملكاوية مش مقتنعة، وأشكر جهازي المعاون هما تعبوا أكثر مني.
وأشار معتمد جمال في تصريحاته: هنبني على بطولة الدوري الممتاز، وإن شاء الله نحقق كل البطولات الممكنة لنادي الزمالك، والمنافسة على الدوري وبطولة الكونفدرالية كانت ضغطانا، وبعد الخسارة من الأهلي شعرت بشراسة المنافسة مع اللعب في إفريقيا أيضًا فـ أصبح الوضع أصعب.
وأردف: لم أكن أتخيل الخسارة بثلاثية من الأهلي، ولكني أعلم أن مباريات القمة ليس لها أي حسابات.
وأتم تصريحاته: محمد صبري بالنسبة لي عِشرة عُمر، ولو معايا كان زمانه هيبقى أسعد الناس عشاني وعشان نادي الزمالك، وهو أول من استقبلني في نادي الزمالك، ومنذ ذلك الحين ونحن سويًا في المنتخبات من أول الشباب والأولمبي وفي النادي، وعلى طول كان بيوصّي عليا ويقول للناس خليكم في “ضهر” معتمد جمال، وهو شخص عمره ما هيتكرر، وكان نفسي أعمل أكتر من كده عشانه، وهو أول من آمن بيّا وبيقولي إنت هتبقى أفضل مدرب في مصر، وبقوله كلامك اتحقق يا أعز الناس وأغلاهم على قبلي، وأول ما اتبلغت بخبر وفاته مكنتش مصدق، والوفاة فرقت معايا جدًا.
