بث مباشر| الرئيس السيسي خلال احتفال عيد الميلاد المجيد: يارب أكون خادم أمين وشريف للبلد
قال الرئيس عبد الفتاح السيسي رئيس الجمهورية، خلال حضوره قداس عيد الميلاد المجيد، بكاتدرائية ميلاد المسيح: كلامي لكل المصريين مش لحد بعينه أوعوا حد يدخل بينا، أوعوا حد يفتنا لأن ده مش هينتهي.. وربنا يعني إني أكون خادم أمين شريف للبلد دي.
وأضاف الرئيس السيسي: البلد بلدنا كلنا، وتسعنا كلنا، وربنا هو اللي بيحمي وبيستر.. وإحنا موجودين في بيت من بيوت ربنا، ولازم تعرفوا إن اللي حامي البلد دي ربنا سبحانه وتعالى، ودايما ندعوه ونتوسل إليه إنه يحمينا.
وتابع رئيس الجمهورية: الجمهورية الجديدة دي جمهورية الحلم والأمل، جمهورية العلم والعمل، الجمهورية القادرة وليست الغاشمة، المسالمة وليست المستسلمة، الجمهورية دي هنبنيها مع بعض، وأي تحدي أو أي صعاب تهون لو إحنا كلنا دايما على قلب رجل واحد، وكل عام وأنتم بخير ومصر كلها بخير والدنيا بخير.
وصول الرئيس السيسي إلى كاتدرائية المسيح
ووصل الرئيس عبد الفتاح السيسي إلى كاتدرائية المسيح في العاصمة الإدارية الجديدة منذ قليل، لحضور الاحتفال بعيد الميلاد المجيد، الذي يترأسه البابا تواضروس الثاني بابا الإسكندرية وبطريرك الكرازة المرقسية، والذي انطلق في تمام الساعة الـ 7 مساء اليوم الخميس، ومن المقرر أن يستمر حتى قبل منتصف الليل.
