بث مباشر | سجل إنترو أول حلقة.. أرملة وائل الإبراشي تكشف اللحظات الأخيرة في حياته ووصيته

قالت مدام سحر، زوجة الإعلامي الراحل وائل الإبراشي، إن وفاته كانت بسبب أنه بعدما أصيب بفيروس كورونا في عام 2020، لم يتعالج جيدا، وظل أسبوع بالمنزل يتعالج بشكل خاطئ، وبعدها ذهب إلى مستشفى الشيخ زايد، التي قال الأطباء فيها إن حالته مستقرة.

وأضافت: عندما ذهب إلى مستشفى الشيخ زايد كانت نسبة التليف الرئوي عنده 95%، ولكن الأطباء أبلوا بلاء حسنا وكانت حالته تتحسن، وذهب بعدها إلى مستشفى وادي النيل وكان يتماثل للشفاء أيضا.

أما عن اللحظات الأخيرة في حياة وائل الإبراشي، فقالت مدام سحر: هو كان كويس جدا، وأنا كنت معاه في المستشفى ولكن رجعت البيت أجيب حاجة وأرجعله، واتصلت به قالي إنه بياكل كويس، وإن حالته مستقرة، قولتله طيب أنا جايه، ولكن ملحقتش.

وصية الإعلامي الراحل وائل الإبراشي الأخيرة

قالت مدام سحر، زوجة الإعلامي وائل الإبراشي: قبل ما يموت، هو كان طول الوقت كان بيتكلم عن شغله، وعن برنامجه، وكان نفسه يخف عشان يرجع شغله، لأن الشغل كان كل حياته، وسجل الإنترو بتاع الحلقة اللي كان ناوي يطلع بيها أول مرة بعد ما يرجع.

وتابعت: كان دايما يقول إن أصعب حاجة مش المرض، وإنما كونه بعيد عن شغله وعن الجمهور اللي بيحبه وعن حياته، وبرنامجه.

واستكملت: أكتر حاجة كان بيحبها هو تصوير الحلقات خارج الاستوديو، وكان بيبدع فيها أكتر من الحلقات داخل الأستوديو، وكان بيحب كل فريق العمل جدا، وكانوا بيحبوه جدا.

كما أشارت إلى أن حالته كانت مستقرة جدا، وأنهم تفاجأوا جميعا بوفاته، قائلة: كان صوته كويس جدا وكان بيرد على كل الناس وحالته متحسنة جدا.