آدم الشرقاوي: أشارك في فيلم Emily The Criminal.. وأتمنى البقاء في مصر
كشف الفنان آدم الشرقاوي، عن أجدد أعماله، بجانب الحديث عن حياته في مصر، مشيرا إلى أنه يتمنى البقاء في مصر.
وقال آدم خلال لقائه مع الفنانة إسعاد يونس في برنامجها صاحبة السعادة: أنا كنت بصور فيلم في أمريكا اسمه Emily The Criminal مع الممثلة العالمية أوبري بلازا واللي هيتعرض يوم 24 يناير إن شاء الله.
وواصل: وأنا حاليا باخد كورسات تمثيل أونلاين، ومش فارق معايا أمثل في هوليود ولا مصر، أنا بس عايز أمثل في أي مكان، ومعرفش ممكن أعمل أيه تاني غير التمثيل، وكمان أنا عايش لوحدي في مصر بس ساعات أهلي بيجوا عندي.
وأضاف آدم: أنا حبيت مصر أوي وعايز أعيش هنا شوية، بس يبقى ليا في أمريكا بيت بردو وحبيت هنا الناس جدا والصحاب أي وقت تحتاجهم تلاقيهم موجودين على عكس أمريكا عمليين أكتر وبينظموا ويحسبوا كل حاجة.
فيلم Emily The Criminal
وفي سياق متصل، فيلم Emily The Criminal من إخراج وتأليف جون باتون فورد، ويشارك في الفيلم العديد من النجوم، من بينهم، ثيو روسي، آدم الشرقاوي، كارا لويز، وويسلي هان.
ونشرت أوبري بلازا تفاصيل الفيلم عبر حسابها الرسمي على موقع تبادل الصور والفيديوهات انستجرام، وعلقت قائلة: فخورة جدا بطاقم عمل الفيلم والمخرج، أحنا عملنا الفيلم دا في وقت قياسي..ومتحمسة جدا أنه يتعرض للجمهور..أنا أحب الأفلام.
