مصرع شاب على يد جاره بالدقهلية لتبوله في البرسيم.. ووالدته: اتحرمت من ابني بدري | بث مباشر

شهدت قرية ديسط التابعة لـ مركز طلخا في محافظة الدقهلية، واقعة مقتل شاب يدعى محمد ويبلغ من العمر 23 عامًا على يد جاره؛ وذلك بسبب عتابه له لتبوله في البرسيم بالأرض الخاصة به.

تفاصيل الواقعة

وأوضحت والدة الشاب محمد الضحية، أن ابنها كان موجود في قطعة الأرض الخاصة بهم، وأقبل أحد جيرانهم على التبول بها، ولكن ابنها رفض تبوله في الأرض ووقعت مشاجرة كبيرة بينهما.

كما قالت والدة الشاب الضحية: امبارح ابني كان ماشي في الشارع، وجارنا طلع عليه وضربه بالمطواة، وروحت شوفت ابني في التلاجة لقيت دمه سايح في الأرض وفي كل مكان، اتحرمت من ابني بدري وموته كسر ضهرنا، عاوزة حقه عشان النار اللي في قلبي تهدى، ده أنا كنت بخاف عليه من الهوا الطاير ألاقيه مضروب بمطواة.

وأشارت إلى أن ابنها تزوج منذ فترة قليلة، ولكنه مات وترك خلفه طفلًا رضيعًا يبلغ من العمر 6 أشهر فقط، وقالت: ولدي وعمري راح، عايزة أشوف حقه خلصان من اللي عمل فيه كده، ابني راح مني في ثانية ضربوا بالمطواة وخلص عليه ومحدش عرف يلحقوا ويحوش عنه.

حديث زوجة الشاب الضحية

كما قالت زوجة الشاب محمد الضحية: أبوس إيديكم هاتولي حق جوزي، أنا جوزي راح مني وسابلي عيل صغير، أنا عاوزة اللي عمل فيه كده يتعدم ويموت زي ما موت جوزي.