سائق التاكسي المحترق بعد استلام سيارته الجديدة: هفتح بيتي من جديد
سلمت مؤسسة حياة كريمة، المواطن سليمان حسين صاحب واقعة التاكسي الأبيض المحترق بجوار حديقة حيوانات الجيزة سيارة جديدة، بعد إعلانها تكفلها بشراء سيارة جديدة له، إثر حادث الحريق الذي تعرضت له سيارته الأجرة تاكسي، تنفيذا لتوجيهات الرئيس عبد الفتاح السيسي، رئيس الجمهورية، بتقديم أوجه الدعم اللازم للمواطن.
ونشرت مؤسسة حياة كريمة، عبر صفحتها الرسمية على موقع التواصل الاجتماعي فيسبوك، فيديو للمواطن سليمان حسين، صاحب واقعة التاكسي الأبيض المحترق، لحظة استلام سيارته الجديدة.
وقال سليمان حسين صاحب واقعة التاكسي، في الفيديو المصور: سحبت طفاية الحريق أطفي شمال ويمين، والناس ساعدتني، والعربية كانت خلاص متصفية، ربنا أراد كدا والحمد لله، عمري رايح وعمر مهدود، وكنت بفكر هعمل إيه بعد كدا، أدور بقى على شغل، هشتغل عند حد، هتشتغل عند مين هتقدم عند مين وإمتى الشغل يجي، مش هيجي بكره الصبح.. وراك بيت مفتوح ووراك عيال وراك ووالدتك ومعايا بت يتيمة.
وتابع صاحب واقعة التاكسي: مكتب حياة كريمة محافظة الجيزة تواصل معايا وشافوا حالتي على الحقيقة، وشافوا إنها مصدر رزقي الوحيد، وفي خلال أيام بدأوا يتصلوا بيا، وقالولي إحنا خلاص قدمنا لك على عربية وهتستلمها خلال أيام.
واختتم حسين حديثه: لحد دلوقتي مش مصدق ولحد ما خدت المفاتيح في جيبي مش مصدق، والعقد معايا.. مكنتش متوقع إن حياة كريمة هتعمل معايا كدا.. هفتح بيتي من جديد، بني أدم من جديد أحيتوه.
