بعد ثلاثية سموحة.. عبد الحميد حسن: لو على الفنيات فموسيماني يمشي من زمان
وجه عبد الحميد حسن مهاجم الأهلي السابق انتقادات لاذعة إلى بيتسو موسيماني المدير الفني للفريق الأول لكرة القدم بالنادي الأهلي، بعد خسارة الفريق مساء اليوم الخميس أمام سموحة بثلاثية نظيفة، في المباراة التي جمعت الفريقين على ملعب استاد برج العرب بالإسكندرية، في الجولة الرابعة لبطولة كأس الرابطة المصرية.
وكتب لاعب الأهلي السابق عبر صفحته الرسمية على فيس بوك: لو اتكلمت على فنيات فموسيماني يمشي من زمان، لأنه مقدمش أي جديد والبطولات كانت شفيع كبير ليه.
وأضاف عبد الحميد حسن: لكن في البطولة دي والنهارده تحديدا الشخصيه اللي ظهر بيها موسيماني علشان يداري فشله الفني الكبير هو ده اللي لازم أقف عنده، لأن الأهلي مينفعش يكون فيه مدرب جبان يداري أخطائه، ويرميها على لاعيبته، ولاعيبه لسه صغيرة، علشان ميتحملش المسئولية.
نجم الأهلي السابق: بدأنا كأس الرابطة بتشكيل متوازن
وواصل حسن: بدأنا كأس الرابطة بتشكيل متوازن بين الكبار والصغيرين، لما تعادلنا وظهرنا بشكل مش كويس، بدأ يلعب الناشئين اللي هو مش محضرهم أصلا، علشان يشيل الضغط من عليه ويكون عنده مبرر للي هيحصل واللي متوقع يحصل.
وتابع نجم الأهلي السابق: النهارده علشان الانتقادات اللي عليه وهيلاعب فريق كويس، نزل بتشكيلة كلها كبار لكن منهارة فنيا وتكتيكيا، وكفايه بس أننا بنلعب من غير أهم خط فالملعب خط الوسط.
واختتم عبد الحميد حسن: مش عايز أتكلم فنيا عن الماتش لأن في بلاوي سودا من الناحية الفنية، المهم لما النتيجه كبرت بدأ ينزل الولاد الصغيرين تاني على أساس إن المشاهد أهبل ومش فاهم، دي متنفعش تكون شخصية ولا تفكير مدير فني النادي الأهلي.
