الأهالي يكشفون معاناتهم بعد حريق الحسين: بيوتنا تدمرت واترمينا في الشارع | بث مباشر

اندلع حريق هائل مساء أمس الاثنين في محيط مسجد الإمام الحسين بمنطقة المشهد الحسيني في القاهرة، وتصاعدت ألسنة اللهب بشدة وحاول الأهالي العمل على إطفاء الحريق حتى وصلت سيارات الإطفاء التي نجحت في السيطرة على الحريق المندلع.

آثار الحريق

وتحدثت إحدى الأهالي عن تفاصيل اندلاع الحريق لـ القاهرة 24، فقالت: كل حاجة تدمرت وكل البيوت تدمرت، إحنا كنا قاعدين امبارح وفجأة لقينا النار بقت فظيعة في كل حتة وكلت كل البيوت والمحلات، والأوضة اللي احنا كنا قاعدين فيها تدمرت ومبقاش فيها حاجة سليمة خالص واترمينا في الشارع.

كما أضافت أخرى: أنا معايا ابني عنده سنة ومرمي في المستشفى من امبارح عشان مافيش أكسجين داخل جسمه، وأنا كنت بموت حرفيًا وكنت نايمة ساعتها يدوبك غفلت 5 دقائق أنا وابني ولقيت النار كان هاين عليا أرمي ابني من الشباك وأنط وراه من شدة النار، والموتوسيكل اللي جوزي كان بيشتغل عليه اتحرق ومافيش مليم هنعرف نجيبه خلاص نعيش بيه، أنا لسه متجوزة مبقاليش سنتين وحاجتي كلها اتدمرت في البيت من الحريق.

إصابات الحريق

وجدير بالذكر أن وزارة الصحة أعلنت أعداد المصابين في حريق محيط مسجد الإمام الحسين الذين نشب أمس الأحد، حيث أوضح الدكتور حسام عبد الغفار، المتحدث الرسمي باسم وزارة الصحة والسكان المصرية، أنه نتج عن الحريق إصابة 11 شخصًا بالاختناق، مؤكدًا على أنهم جميعهم يتلقون الرعاية الطبية اللازمة في مستشفى الحسين الجامعي، وذلك لحين تحسن حالتهم الصحية وشفاءهم بشكل كامل.