آية عبد الله تطرح أحدث أغانيها أصعب إحساس
طرحت المطربة الشابة آية عبد الله أحدث أغانيها بعنوان أصعب إحساس، وهي رابع أغاني ألبومها الجديد الذي يحمل نفس الاسم، وذلك عبر قناتها الرسمية بموقع الفيديوهات الشهير يويتوب.
والأغنية من كلمات سالم الشهباني، وألحان كريم نيازي، وتوزيع عمر إسماعيل، ومدير تصوير هيثم كئة، ومونتير أحمد سليمان ومصطفى النسر، وإشراف عام حسن غريب، وإخراج نهاد كمال، وتم تصوير الكليب في جبل الملح في بورسعيد.
وعبرت آية عبد الله عن سعادتها كونها أول مطربة تصور فيديو كليب في هذا المكان، مؤكدة أنها تحاول أن تظهر جمال بلادها والصورة الجميلة التي يظهر عليها، ووجهت الشكر لفريق العمل كله لمجهودهم لإظهار الكليب بهذا الشكل.
كلمات أغنية أصعب إحساس
وتقول كلمات الأغنية: أصعب إحساس لما يسيبك اللي أنت أمنت إنه حبيبك وعملت حسابك ترتيبك همك وراهنت عليه، وخسرت عشانه ولا همك زودت همومه على همك، وحرقت في أعصابك دمك علشان ترضيه.
مستغرب ليه كده مضايق مش طايق حد.. مخنوق مش قادر تتكلم ولا عندك رد.. ما تفوق من وهمك واتعلم ببساطة الدرس مش كل اللي عينيك بتشوفه ده حقيقي بجد أصعب إحساس أصعب إحساس.
والله غريبة والأغرب أن أنت تكون كده مستغرب الجرح يجيلك من أقرب إنسان حبيته إزاي علي قلبك آمنته بهواك وبروحك طمنته غمضت عيونك سكنته وصحيت ما لاقيته.
مستغرب ليه كده مضايق مش طايق حد.. مخنوق مش قادر تتكلم ولا عندك رد.. ما تفوق من وهمك واتعلم ببساطه الدرس مش كل اللي عينيك بتشوفه ده حقيقي بجد اصعب إحساس أصعب إحساس.
وألبوم آية عبد الله الجديد بعنوان أصعب إحساس يضم 8 أغاني، من بينها أغنية اللي باعك، بخاف مني، دوشه بعدك، راحة، مصر تكسب، تم تصويرها بطريقه الفيديو كليب، وتعاونت مع الملحنين تامر حجاج وعمرو الشاذلي ومحمد مصطفي وفوزي عز الدين وكريم فتحي ومحمود جمال وكريم نيازي، والشعراء عصام حجاج وعمرو المصري وإبراهيم سليمان ومصطفى الجمل سالم الشهباني وشفيق كارم وحسان الرفاعي.
