سيدة تقتل زوجها بعد تخديره لرفضه تطليقها بالدقهلية.. وشقيقه: كان جايبلها دهب بـ40 ألف جنيه | بث مباشر

شهدت مدينة المنصورة في محافظة الدقهلية واقعة مقتل ميكانيكي على يد زوجته، والتي خدرته ثم حبست أنفاسه من خلال إحدى الوسادات، ثم استعانت بـ اثنين من أصدقائها الرجال الذين انهالوا بالضرب على زوجها حتى تسببوا في قتله؛ بسبب رفضه تطليقها.

حديث شقيق الزوج المجني عليه

وقال شقيق المجني عليه، إن شقيقه تزوج من هذه السيدة عن طريق شقيقته بعد وفاة زوجته الأولى، حيث أنه كان يبحث عن سيدة ذو خلق حتى تعيش معه وتراعي أولاده الثلاثة، لذلك فأشارت عليه شقيقته بهذه السيدة.

كما تابع حديثه قائلًا: اتجوزوا وكانوا عاملين زي الاتنين المراهقين وكانوا بيحبوا بعض ومبسوطين جدًا ودايمًا بيخرجوا سوا يتفسحوا، ده حتى لما كانوا بيروحوا الجنينة عشان يفسحوا العيال كان بيجيبلها مع العيال بلالين زيها زي العيال ومكانش مخليها محتاجة حاجة، وكان بياخدها هي واخواتها ووالدتها ويروحوا يصيفوا سوا ويقعدوا بالأسبوع مع بعض، وكمان كان جايبلها دهب بحوالي 40 ألف جنيه وموبيل تمنه معدي الـ 6 آلاف جنيه.

وأوضح شقيق المجني عليه أن فترة زواج شقيقه استمرت لمدة 3 شهور فقط حتى أقبلت زوجته على قتله وإنهاء حياته، ولكنه تفاجئ بعد وفاة شقيقه بأن زوجته كانت تخدره أكثر من مرة وكانت تضرب بنته وتتعامل مع باقي أبناءه بعنف.

واستكمل حديثه فقال: من فترة أخويا رجع من الشغل ملقاش مراته في البيت ولما كلمها قالتله إنها في البلد وسافرت من غير ما تقوله، ولما هو راح عشان يجيبها قالتله لا أنا مش هرجع معاك وعاوزة أطلق، فـ أخته اتدخلت بينهم وقالتلها لو عاوزة تطلقي هاتي الدهب والحاجات اللي هو جبهالك قالتلها لا مش هديلكوا حاجة وهطلق منه.