أرملة ترعى ثلاثة أطفال من ذوى الهمم بالمنوفية: ولادى محتاجين ومش عاوز غير ستر ربنا | بث مباشر

تكافح السيدة الأرملة التي تدعى كريمة وتعيش داخل محافظة المنوفية، من أجل رعاية وتربية أبنائها الثلاثة وجميعهم منذوى الهمم، حيث إنها لا تعمل ولا تملك مصدر دخل شهري أساسى لها، حتى إن المنزل الذي تُقيم فيه فهي لا تملكه.

حديث السيدة كريمة

وقالت السيدة الأرملة كريمة: أنا ظروفي زي أي حد بس ولادي التلاتة اللي معايا تعبانين ومحتاجين حاجات كتيرة، وأنا عندي في الأصل 5 أولاد، واحدة منهم اتجوزت، والتانية طلعتها من المدرسة ومخليتهاش تكمل تعليمها عشان مش قادرة أصرف عليها وعشان أقدر أصرف عليها هي وباقي إخواتها.

كما أوضحت السيدة كريمة أن زوجها توفى منذ 5 سنوات، وكان يعمل سائق توك توك، ولكنها باعت التوك توك حتى تستطيع أن توفر بعض المال اللازم لها ولأولادها، ولكنها صرفتهم جميعهم على أولادها ولم يتبق معها شىء.

وتابعت: لما الفلوس اللي معايا خلصت الناس اللي حواليا بقوا يساعدوني واللي يقدر يعملي أو يديني أي حاجة بيعمل كده، وأنا للأسف مقدرش أسيب بيتي وأروح أشتغل في أي مكان عشان ماينفعش أسيب ولادي التعبانين في البيت لوحدهم من غير ما حد يرعاهم.

بينما أشارت السيدة الأرملة كريمة إلى أنها كانت تحصل على معاش شهري من تكافل وكرامة، ولكن ذلك كان لمدة 3 أشهر فقط من بعد وفاة زوجها، ومن ثم انقطع المعاش عنها لسبب مجهول بالنسبة لها حتى الآن.

كما اختتمت حديثها قائلة: أنا عاوزة الستر من عند ربنا وعاوزة أجهز بنتي اللي لسه متجوزتش ويبقى ليا معاش أصرف منه.