شابة من الفيوم تكشف قصة زواجها من هندي: كان تايه وبيدور على عنوان | بث مباشر
تحدثت الشابة وسام رمضان التي تبلغ من العمر 23 عامًا، والحاصلة على بكالريوس العلوم الزراعية، وهي من محافظة الفيوم، عن قصة زواجها من شاب هندي يدعى محمد آمان.
قصة زواج الشابة وسام رمضان من الهندي محمد آمان
وقالت وسام رمضان، إنه ومنذ 4 سنوات أثناء خروجي من الجامعة، لاحظت وجود شاب أمام الجامعة ويلتف حوله العديد من المواطنين، مضيفة: شكله كان غريب يبان إنه مش مصري، فـ سألت بنت من اللي واقفين في إيه قالتلي إن ده هندي مش مصري، فـ سألته لو محتاج مساعدة ولقيته عاوز يروح عنوان قريب من الجامعة.
كما أوضحت الشابة وسام، أنها أرادت أن تساعد الشاب الهندي الذي هو زوجها حاليًا، وذلك نظرًا لأنه مغترب ولا يعرف شيئًا في مصر.
وتابعت: ساعده في الوصول إلي العنوان اللي كان عاوز يروحه، وبعد كده كان في تواصل بينا بس بسيط، لحد ما قرر إنه هيسافر ويسيب مصر، فكلمني وقالي إنه عاوز يتقدملي عشان معجب بيا وده حصل بعد ما عرفنا بعض بسنة تقريبًا، وأنا كنت فاكراه في الأول بيهزر بس بعد كده قولتله إني لازم أتخرج الأول عشان دراستي، وبعد ما أتخرجت اتكلم معايا في الموضوع تاني، وبلغت والدي ووالدتي بالموضوع ووافقوا، وبعد كده بلغت محمد باللي حصل فقطع سفره وشغله وجه مصر على طول وحسيت فعلًا إنه متمسك بيا واتجوزنا وعملنا فرح مصري في الفيوم.
