بسبب القبلات.. هجوم متبادل واتهامات بين الفنان أحمد فلوكس وإلهام شاهين | فيديو
هاجم الفنان أحمد فلوكس خلال الأيام القليلة الماضية، الفنانة إلهام شاهين بسبب حديثها عن القبلات في الأفلام، كما شن هجومًا على المخرج هادي الباجوري، بسبب تصريحاته الخيرة وموافقته خوض زوجته الفنانة ياسمين رئيس، ومشاركتها ببعض المشاهد الجريئة بأفلامها، لترد الفنانة إلهام شاهين على الفنان أحمد فلوكس.
هجوم متبادل بين أحمد فلوكس وإلهام شاهين
ردت الفنانة إلهام شاهين على الهجوم الذي وجهه لها الفنان أحمد فلوكس، بشأن حديثها عن القبلات في الأفلام السينمائية، والتي أثارت جدلًا خلال الفترة الماضية.
وعقبت الفنانة إلهام شاهين، على التصريحات الأخيرة الفنان أحمد فلوكس، قائلة: أنا ردي إن اللي مش مِحترم المهنة؛ يسيبها، أنا بتكلم على القبلات اللي في الستينيات، إللي أبطالها سعاد حسني، فاتن حمامة، وكانت أفلامًا لكتاب كبار جدًا، زي طه حسين، نجيب محفوظ، يوسف إدريس.
وأضافت الفنانة إلهام شاهين: عمرنا ما فكرنا بالطريقة اللي بيفكروا بيها دلوقتي، الفن ما ينفعش يقيم بمنظور أخلاقي وديني، وده دور بتعمله فنانة لازم نفصل بين الدور والشخصية الحقيقية،
وتابعت: أفلامي الأخيرة مش هتكلم عنها، ونوعية معينة دلوقتي اللي أقدر أقدمها، أنا مش بتكلم على حاجة تخصني، أنا بتكلم على الفن بشكل عام، وفيلم حظر تجول فيه تحفظات كتير، وأخدت 12 جايزة من مهرجان جمعية الفيلم، مينفعش أرد على أحمد، أنا أكبر من إني أرد على أسلوب لا يليق من أي فنان، الله أعلم ظروفه إيه، بس الأسلوب يبيِّن إن في شيء تاعبه.
من جانبه، هاجم أحمد فلوكس، الفنانة إلهام شاهين، حيث كتب عبر حسابه الشخصي بموقع التواصل الاجتماعي: بعيدًا عن معزِّتك، ممكن أستاذنك ما تتكلميش تاني في الكلام دة، البوسة بتعتبر حاليًا منافية للآداب، أومال إمتى يا فندم نعتبر الشىء منافيًا للآداب؟، لما نلاقي العيل نازل وبشهاداته كمان؟.
وتابع الفنان أحمد فلوكس، هنا يبقى سفالة الشاشة دي بتربي أجيال، وبتشكل وجدان، مش بتربي وحوش وبتعمل أوضاع، على كدة إحنا نعتبر أفلام السكس أفلام تثقيفية تعليمية إرشادية الغرض منها التعليم والتمرين، سامحيني أنا بحبك بس ما بقتش أقدر أستحمل، يا جماعة الشيطان نفسه مش مصدق اللي إحنا كبشر بنعمله، وبيستغفر ربنا، الأفلام بقت مرجعية، والنوافل بقيت مهرجانات، والزكاة بقت نقطة، والحج بقى تشكيل، آسف جدًا، ومش عايز أسمع كلمة حرية الفن.
