أولياء أمور طلاب كلية التجارة جامعة الإسكندرية يستغيثون: هيفصلوا ولادنا عشان ميعرفوش نظام الغياب | بث مباشر

استغاث مجموعة من طلاب كلية التجارة في جامعة الإسكندرية وأولياء أمورهم بسبب أنهم مهددون بالفصل من الكلية بسبب نظام الغياب، حيث أن هناك نحو 2000 طالب وطالبة مهددين بالفصل بسبب النظام الذي تتبعه الكلية في الغياب.

استغاثة الطلاب وأولياء الأمور

وقالت إحدى أولياء الأمور طلاب كلية التجارة في جامعة الإسكندرية، المشكلة إن ولادنا بعد ما تعبوا ومبقاش قدامهم كليات أو اختيارات تانية غير كلية التجارة، وبعد ما قعدنا 3 سنين في الكلية جايين دلوقتي بيهددونا بالفصل وإحنا مش فاهمين النظام اللي ولادنا دخلوا بيه الكلية، ولا حتى محاضرة تعريفية بالنظام ده، ودلوقتي الكلية عاوزه تفصل ولادنا ودي حاجة صعبة إننا نرجع للصفر تاني.

وأضافت ولية أمر أخرى، أنه كان لا بد من وجود محاضرة تعريفية بـ نظام الغياب والحضور في الكلية، مشيرة إلى أنهم لم يعلموا بـ نظام الإنذارات في الغياب إلا في الترم الأول من السنة الثانية لهم في الكلية، قائلة: عرفنا بعد ما بقى عندنا إنذارين وفاضلنا إنذار واحد على الفصل وإحنا دلوقتي ولادنا في سنة تانية ومش هيقدروا يلموا نفسهم ويجيبوا، امتياز مثلًا أو جيد جدًا عشان يعلوا التقدير بتاعهم لأن بقى قدامهم فرصة لـ إنذار واحد بس، فـ كده هما ضغطوا على الطالب عشان يذاكر كويس جدًا ويجيب امتياز أو جيد جدًا في وقت قليل أوي.