أحد الطلاب العائدين من رومانيا: نجينا بأعجوبة وكنا عارفين إن السيسي مش هيسبنا | بث مباشر

تحدث أحد الطلاب المصريين العائدين من رومانيا عن تفاصيل نزوحهم من أوكرانيا إلى رومانيا، هربًا من القصف الروسي الذي بدأ منذ يوم الخميس الماضي، ثم عودتهم إلى أرض الوطن.

تفاصيل عودة الطلاب المصريين ومعاناتهم من الحرب

وقال أحد الطلاب المصريين العائدين من رومانيا: إحنا نجينا بـ أعجوبة من الموت بصراحة والحمد لله على اللي إحنا فيه دلوقتي، إحنا أصلا مكناش نصدق إننا ممكن نعدي من الحدود، إحنا كنا واقفين في الحدود الرومانية في عز التلج وكنا بنموت والله العظيم، بس الحمد لله أول ما وصلنا رومانيا السفارة المصرية هناك مقصرتش معانا في أي حاجة.

كما وجه أحد الطلاب المصريين العائدين من رومانيا رسالة إلى الرئيس عبد الفتاح السيسي، رئيس الجمهورية، بعد أن وجّه بإجلائهم من رومانيا وعودتهم إلى أرض الوطن، فقال: شكرًا يا ريس والصراحة إحنا كنا متأكدين إنه مش ناسينا ومش هيسبنا، وبنتمنى إنه يساعدنا عشان إحنا كان فاضلنا 4 شهور ونتخرج فـ إحنا موقفنا صعب جدًا ومش عارفين هنعمل إيه.

بينما أوضحت إحدى الطالبات العائدات من رومانيا أن السفارة المصرية هناك تواصلت معهم قبل أن يصلوا إلى الحدود الرومانية، فقالت: لما وصلنا رومانيا بصراحة عملوا كل اللازم معانا وساعدونا، وفي خلال يوم ونص بس جينا هنا مصر، بس بتمنى المسئولين يساعدونا في إننا نكمل تعليمنا ويقفوا معانا.