مرتضى منصور: مباراة الوداد المغربي الأخيرة لي داخل الزمالك
فجر مرتضى منصور رئيس مجلس إدارة نادي الزمالك مفاجأة من العيار الثقيل، حول ابتعاده عن نادي الزمالك خلال الفترة المقبلة، في ظل الأزمات التي يعاني منها في الوقت الحالي، من العديد من القضايا.
قال مرتضى منصور خلال تصريحات تلفزيونية: بعد ماتش الوداد هقعد في بيتي مع أحفادي واترك المشهد الرياضي واتفرغ للقضايا من الخطيب وعباس وسليمان والعتال وفي مجلس إدارة محترم يكمل.
وأضاف رئيس الزمالك: مش كل يوم اتمرمط في المحاكم بسبب قضية الساعات التي أخدت فيها براءة، أنا تعبت خلاص ومحتاج ارتاح بقى شوية.
وأضاف: كارتيرون بعد ما مشي من الزمالك مقضاش أسبوع حتى من شهور وراح الاتفاق، واللي كانوا بيهاجموا على كلاب هاوس وقالوا ميصحش وبلاش تذيع الفويس داحنا وفرنا ملايين ودلوقتي انتوا شفتوا بنفسكم.
وأكمل حديثه: المطلوب أيه؟
أسامة نبيه: كارتيرون كان بياخد 175 ألف دولار الطيب الغلبان أسامة نبيه اللي مرتبه على أده كان له مستحقات، واللجنة كانت جايه تخرب ومخدش مستحقاته منهم.
وشدد في نهاية تصريحاته: بعد ما خلصنا من كارتيرون وجايب فيريرا يقولوا بردوا أزاي سنه كبير، هو انا جايب فيريرا علشان يتجوز؟
ده كوتش كبير، وانا جايبه مع فريق مساعدين.
