مرتضى منصور: مفيش حد هيفلت من العقاب ومش هرجع في قراراتي.. وطارق حامد ميستحقش فانلة الزمالك | بث مباشر
عقد المستشار مرتضى منصور، رئيس مجلس إدارة نادي الزمالك، مؤتمرًا صحفيًا منذ قليل اليوم الأحد؛ لتقديم البرتغالي جوسفالدو فيريرا، المدير الفني الجديد للفريق الأول لكرة القدم في نادي الزمالك.
مرتضى منصور يرحب بـ البرتغالي فيريرا
ورحب المستشار مرتضى منصور بـ البرتغالي جوسفالدو فيريرا، المدير الفني الجديد للفريق الأول لكرة القدم في نادي الزمالك، بالإضافة إلى الأعضاء الجدد في الجهاز الفني وهم مدرب الأحمال، مدرب مساعد، محلل أداء.
أبرز تصريحات مرتضى منصور في المؤتمر الصحفي
وقال مرتضى منصور، رئيس مجلس إدارة نادي الزمالك، العديد من التصريحات النارية خلال أحداث المؤتمر الصحفي الذي عقده في مقر نادي الزمالك لتقديم البرتغالي جوسفالدو فيريرا، وكان من أبرزهم:
- بعتذر لكل جماهير الزمالك العظيمة المحترمة، وببوس دماغ كل واحد فيهم لسببين، الأول هو المستوى اللي شوفناه، والتاني عشان تطاول بعض اللاعيبة على جماهير الزمالك المحترمة اللي صنعت اسمهم.
- مافيش حد هيفلت من العقاب، ومافيش قرار أنا أخدته هرجع فيه.
- مش هجدد لـ طارق حامد، وبن شرقي مش هجدد له ومش عاوزه، وأوناجم مش هجدد له، وأبو جبل مش هجدد له، عشان أنا مش برجع في كلامي، والقرار ده مكانش عشان الماتش اللي فات ده.
- عمري في حياتي ما شربت حد كوباية شاي في مكتبي عشان أنا مابعرفش غير الشرفاء.
- بقول لـ طارق حامد أنا مش عايزك خلاص أنت لا تستحق فانلة نادي الزمالك خلاص، وأنا كنت فاكرك مصاب والدكتور أسامة قالي إنك سليم وإنك قولت له أنا مش عاوز أخش في عركة.
