مصرع شاب على يد صديقه بالجيزة.. وشقيقه: ذبح أخويا وداس عليه بالأتوبيس عشان يسرقه | بث مباشر
لقى أحد الشباب الذي يدعى محمد شوقي ويبلغ من العمر 37 عامًا ويعمب كـ سائق أوتوبيس، ويقيم في قرية كفر منصور التابعة إلى مركز طوخ في محافظة القليوبية، مصرعه على يد صديقه في منطقة أوسيم التابعة إلى محافظة الجيزة.
شقيق الشاب الضحية يكشف تفاصيل الواقعة
وقال الحج فتحي، شقيق الشاب الضحية محمد شوقي، إن شقيقه الضحية كان يعمل كـ سائق أوتوبيس في خط الشارع الجديد بهتيم دائري، مشيرًا إلى أنه يعمل أيضًا مع شقيقه كـ سائق، لذلك كان يراه دائمًا بشكل يومي.
وأضاف شقيق الشاب الضحية محمد شوقي: شوفته على الطريق الدائري يوم السبت وكلمته وسبته كويس وكان شغال ومافيهوش أي حاجة، ويومها بعد ما روحت لقيت صاحب الأوتوبيس اللي أخويا كان شغال عليه بيتصل بيا وبيقولي إنه مش لاقي أخويا وبقاله شوية قاعد مستنيه اتأخر.
وأوضح الحج فتحي، شقيق الشاب الضحية محمد شوقي، أنه خرج في اليوم التالي من أجل أن يبحث عن شقيقه الغائب، بالإضافة إلى أن شقيقته قد حررت محضرًا في قسم الشرطة عن غياب شقيقه الضحية، فقال: إحنا متعودين إنه مش بيغيب عننا وفضلنا ندور عليه في كل مكان، بس اكتشفنا أول الخيط اللي وصلنا ليه لما فرغنا الكاميرا اللي موجودة عند الموقف ولاقينا واحد صاحبه اسمه منصور ركب معاه ومشي.
وأشار إلى أن قسم الشرطة أرسل معهم أمين شرطة من أجل تفريغ كاميرات المراقبة التي توجد على الطريق الدائري، وآخر كاميرا رصدت شقيقه الضحية كانت في شارع جانبي بمنطقة عزبة العرب، واتضح أن صديقه منصور الذي كان معه أحضر شخصًا آخر، ومن بعدها اختفى الأوتوبيس تمامًا.
وتابع شقيق الشاب الضحية محمد شوقي: فضلنا ندور على أخويا 3 أيام وبعدها اتصل بيا زميل لينا وقالي تعالى أنا في المباحث في قسم أوسيم إحنا لاقينا أخوك محمد مذبوح، وعرفت إن صاحب أخويا اللي كان معاه اللي اسمه منصور هو اللي عمل في كده وقتله وفتحله دماغه وعمله كسر في الجمجمة، وذبحه من أول رقبته لحد آخرها، وبعدها رماه في الشارع على الترعة وداس عليه بالأوتوبيس، وكل ده عشان يسرق الأوتوبيس ويبيعه خردة.
