أنا تحت أمرك وهنعملك اللي عاوزاه.. السيسي يستجيب لاستغاثة سيدة مسنة ويوجه بعلاجها | بث مباشر

استجاب الرئيس عبد الفتاح السيسي، رئيس الجمهورية، إلى طلب سيدة مسنة استغاثت به يوم الجمعة الموافق 18 من شهر مارس الجاري، وذلك كان خلال جولته التفقدية في منطقة مصر القديمة والقاهرة التاريخية.

الرئيس السيسي يستمع إلى استغاثة سيدة مسنة

وتوقف الرئيس عبد الفتاح السيسي، رئيس الجمهورية، خلال جولته التفقدية من أجل أن يستمع إلى سيدة مسنة استغاثت به حتى يقوم بمساعدتها وتقديم الرعاية الطبية اللازمة لها.

وقالت السيدة المسنة للرئيس عبد الفتاح السيسي: أبوس إيدك والنبي يا ابني اقف معايا، ده كرم من ربنا إني شوفتك، ربنا يجبر بخاطرك يا ابني ويوقف معاك ولاد الحلال ويستر عليك، ربنا يسترها عليك وينصرك على من يعاديك، أنا تعبانة والله يا ابني.

ليرد الرئيس السيسي على السيدة المسنة قائلًا: والله العظيم أنا تحت أمرك وهنعملك كل اللي أنتي عاوزاه، متشيليش الهم أنا لو أقدر أعمل الحاجة دلوقتي وأنا واقف على عيني، وكل حاجة هتتعمل أنتي مش محتاجة تقوليلي أنا شايف وهوديكي المستشفى وكل حاجة.

الرئيس السيسي يستجيب لاستغاثة السيدة المسنة

وعلى الفور وجه الرئيس عبد الفتاح السيسي بنقل السيدة المسنة إلى مجمع الجلاء الطبي للقوات المسلحة؛ وذلك من أجل أن تتلقى الرعاية الطبية والعلاج اللازم لحالتها الصحية.

وقالت السيدة المسنة: أنا كنت بوقف الأوتوبيس عشان أركب وبزعق لواحد يوقف الأوتوبيس عشان أركب، قالي يا حاجة الحكومة جاية ورايا، قولتله طيب يا ابني وقفت كده لقيت اللي بينده عليا وبيقولي كلمي يا حاجة، قولتله أكلم مين يا ابني قالي كلمي السيسي، فـ روحت والصراحة هو إنسان طيب جدًا وهو اللي جابني المستشفى ووصى عليا.