فودافون تتصدر تريند تويتر بعد تعطل السيستم.. والمتابعون: أحسن شبكة في مصر
تصدر وسم فودافون تريند تويتر، اليوم الأربعاء، بعد ساعات قليلة من تعطل شبكتها في العديد من محافظات جمهورية مصر العربية، مما أدى إلى حدوث خلل كبير لمستخدميه، وسرعان ما انتشر وسم فودافون بين رواد مواقع التواصل الاجتماعي، معبرين عن غضبهم الشديد اتجاه الشركة.
تعطيل الشبكة مع استمرار خدمة الانترنت
وسخر حساب باسم حسام المهدي، من تعطل الشبكة، معلقًا: فودافون أقوي شبكة في مصر، ما أنا عرفت، مستخدمًا إيموجي الضحك.
ونشر حساب آخر مقطع من مسلسل الكبير أوي، قائلًا: “يا نااس يا اهل البلد شبكه فودافون السيستم بتاعها واقع والنت شغال لوحده”.
إضافة إلى حساب باسم نهى، التي علقت: “يا ناس يا اهل البلد شبكة فودافون السيستم بتاعها واقع والنت شغال لوحده ببلاش الحقوا انتقموا لـ كل جنيه سرقتوه منكم بسرعة”.
تعليقات السوشيال ميديا
ونشرت لقاء مشهد للفنان سيد رجب وهو يحتضر، معلقة: “فودافون دلوقتي”، بينما كتبت أخرى: “وانا مروحه دلوقتى لقيت سواق التاكسى بيقولى هى شبكة فودافون واقعه ولا التليفون مش مجمع وعلى الرغم من انى كان ليه اكتر من ساعه مش عامله اى مكالمات ولا بصيت فى الفون حتى، بس جاوبته بكل ثقه اكيد فودافون هى إلى واقعه”.
وقال حساب اخر باسم إسلام السقا: “سيستم فودافون واقع والنت شغال ببلاش افتحوا الداتا وحملوا أي حاجه هتحمل حتى لو مش معاك نت”، إضافة إلى أحمد، الذي قال: “يا جماعه سيستم فودافون وقعت والنت ببلاش دى فرحه الشعب المصري”.
