صانع فوانيس بكفر الشيخ: بشتغل من 35 سنة وبحاول أحسن الصنعة عشان ضعف الإقبال | بث مباشر

يمارس عم محمد في مدينة دسوق بمحافظة كفر الشيخ، مهنة صناعة فوانيس رمضان منذ نحو 35 عامًا، حيث أنه ورثها عن والده وجده، حتى أصبح يتقنها بشكل كبير ويشتهر بها بين أبناء المحافظة.

تفاصيل عمل عم محمد في مهنة صناعة الفوانيس

وقال عم محمد، إنه ورث مهنة صناعة فوانيس شهر رمضان المبارك من والده وجده، لافتًا إلى أنه يحب تلك المهنة بشكل كبير، إلى أن أصبحت الآن هي مصدر رزقه الأساسي.

وأضاف عم محمد، صانع الفوانيس في مدينة دسوق بمحافظة كفر الشيخ، أنه تعلم مهنة صناعة فوانيس شهر رمضان منذ أن كان يبلغ من العمر نحو 7 سنوات، متابعا: أنا كنت حابب المهنة دي وبقيت شغال فيها دلوقتي لوحدي ومعايا ربنا بقى يقويني.

وأوضح عم محمد أن مهنة صناعة الفوانيس تعتمد بشكل أساسي على الشغل اليدوي، لكنه يعمل على تطوير صناعة الفوانيس في كل عام من خلال ابتكار الأشكال المختلفة.

وتابع عم محمد صانع فوانيس رمضان حديثه: بقينا نفتح أضلاع الفانوس، والزجاج اللي كان بيتحط عليه في الأول كان بيبقى سادة دلوقتي بنحط رسومات عليه، ودلوقتي أنا بحاول أحسن في الصنعة لأن الإقبال على شراء الفوانيس الصاج قل شوية عن الأول، فـ بغير شكل الفانوس والزجاج بتاعه، بس الفوانيس الصيني مقدرتش تأثر على الفوانيس الصاج لأنه بيمثل شهر رمضان.