الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

محمد رحيم يكشف سرقة لحن إعلان بنك القاهرة لمحمد منير والشاب خالد: إلى القضاء يا أنصاف الموهوبين

محمد منير والشاب
فن
محمد منير والشاب خالد
الخميس 14/أبريل/2022 - 10:03 م

كشف  الملحن محمد رحيم، تعرضه لسرقة لحن من ألحانه في أحد الإعلانات المشاركة في ماراثون الرمضاني هذا العام وهو إعلان بنك القاهرة، الذي يقدمه كل من الفنان محمد منير والفنان الجزائري الشاب خالد، مشيرًا إلى أنه سيتوجه ببلاغ إلى القضاء المصري.

وكتب محمد رحيم، منشورًا عبر حسابه الشخصي بموقع التواصل الاجتماعي فيسبوك، وقال: كالعادة وزي مانا متعود كل سنة القي في رمضان لحن من ألحاني نازل في أحد الإعلانات أو المسلسلات دون استئذان أو تصريح مني أو من الشاعر، والمرة دي الضرر كبير جدًا لأنه تم سرقه لحني ووضعه في واحد من أكبر الحملات الدعائية إعلان بنك القاهرة.

 وتابع محمد رحيم: اللى بيغنيه قطبين كبيرين من أقطاب الأغنية العربية الفنان محمد منير والشاب خالد والغريبة أن النحت والاستخفاف بحقوق المؤلف والملحن جعل القائمين على العمل يقنعوا الشاب خالد يغني جملة اللحن اللى كنت عاملها للمطرب الكبير المنافس له الشاب مامي من سنة 2007، يعني من 15 سنة دون الرجوع ليا ولا لورثة الشاعر عبد العزيز عمار شاعر الأغنية الأصلية الله يرحمه وإزاي أنتوا مستخفين بالقضاء والقوانين كده؟؟.

 وأضاف: إزاي أنتوا ناس مجردين من المهنية ومش بتحترموا ولا الجمهور ولا الزملاء؟؟  وإزاي أنتوا بتسرقوا الأعمال في وضح النهار ليستفيد بنك من بنوك الدولة مستخفين بحكومة نفس الدولة وكأنكوا واثقين أن مفيش حد هيعملكوا حاجة ولا حد هيعاقب اللى سرق واعتدى والله العظيم حرام مجهود السنين يترمي على الأرض كده قدام عنين الواحد وهو حي يرزق إيه الاستخفاف والاستهانة دي بالبلد وبقوانينها وقضائها.


وأوضح: كنتوا هتخسروا أيه لما تفهموا بتوع بنك القاهرة أن أنتوا مستعملين ألحان من ناس مختلفة والألحان دي ليها أصحاب وكنتوا تواصلتوا بشكل محترف ومحترم علشان تحصل على تصريح قانوني باستعمال اللحن وتعفي نفسك من السرقة يا فنان ويا جهة الإنتاج وتعفي إدارة البنك من تهمة التعدي على أعمال الناس بالعكس كان هيبقى سلوك محترم واحترافي وأخلاقي!!.

منشور محمد رحيم

وأردف: أنا واثق في ربنا سبحانه وتعالى ثم في القضاء المصري أنه هيرجعلي حقي وحق الشاعر المرحوم عبد العزيز عمار اللي بجد أولاده أولى بفلوس أبوهم اللى شوهتوا وحرفتوا كلمات أغنيته بعد ما رحل من  10 سنين وزي ما أولاد كل حد فينا أولى بمجهود أبائهم اللى اجتهدوا وتعبوا علشان يعملوا أعمال ناجحة لسه بيتنحت فيها لحد النهاردة من أنصاف وأرباع الموهوبين، والمشكلة الأكبر أن الملكية الفكرية دي بتشارك في الدخل القومي في كل بلاد العالم وبتؤثر في اقتصاديات الدول وكل العالم يعلم أهمية القوى الناعمة المصرية في شتى المجالات لكن للأسف فيه ناس لسه عايشة على سياسة القتل المعنوي والمادي للفنان والمبدع المصري حيا وميتا.

واختتم رحيم حديثه قائلًا: بعدين لما بتعملوا كده في أعمالي وأنا عضو محترف في جمعية SACEM الفرنسية ومعايا شهادة الاحتراف الدولية وعضو عامل في جمعية ساسيرو المصرية للمؤلفين والملحنين وعضو عامل في نقابة المهن الموسيقية وأعمالي واضحة واسمي معروف الحمد لله ومسيرتي 25 سنة أومال تعملوا إيه في الملحن والشاعر اللى لسه بيبتدي وبيقول يارب أكرمني !..إلى القضاء إن شاء الله يا أنصاف الموهوبين.

تابع مواقعنا