حنان مطاوع: بيتضحك عليّا من المنتجين.. وقدمت أعمال في بداياتي مش راضية عنها |فيديو
تحدثت الفنانة حنان مطاوع في العديد من الموضوعات، خلال استضافتها في برنامج حبر سري، مع الإعلامية أسما إبراهيم، عبر شاشة قناة القاهرة والناس.
وقالت حنان مطاوع: في مجتمعاتنا الشرقية الراجل واخد حقه أكتر من الست، والموضوع ده مش شاغلني أوي ولكن أعتقد إن دي الحقيقة.
وتابعت: ليا فلوس عند ناس كتير وممكن يتضحك عليا في الدفعات الأخيرة، وأنا مش شاطرة في التفاوضات المادية مع المنتجين، وأشارت إلى أن من أبرز الصفات التي لا تحبها بنفسها هي العصبية والعند بالإضافة إلى كونها دقيقة جدًا، متمنية تطوير ذاتها طوال الوقت.
وأضافت حنان مطاوع: صعب أوي أعمل مشكلة ومستحيل وممكن أبقى رد فعل لمشكلة وغالبًا ألجأ للحلول السلمية، وممكن في بداياتي أدوار مش راضية عنها وفيه مخرجين خذلوني في البداية وعناصر تضعف العمل ومش هقدر أقول مين، ومش بسمع راب أوي ولكن بسمع وكنت بحب تجارب مكي وفيشاوي في الراب، وبحب أغاني المهرجانات ومنها بنت الجيران بعد التعديل وبيعجبني مزيكا المهرجانات، وأتمنى ينتقوا كلمات أفضل من كده لأنها بتخليك في مود حماسي أوي.
وعن تفضيلها العمل في السينما أم المنصات الإلكترونية، قالت حنان مطاوع: أُفضل العمل في السينما والمنصات الإلكترونية، وستظل المنصات غزوا قادما لا مفر منه وأقدر من خلاله أقدم دراما طويلة، والسينما عالم ساحر منقدرش نستغنى عنه، وأنا دايمًا مع الجرأة في الأفكار عشان تتغير المجتمعات وتتطور.
