الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

غادة إبراهيم: فيفي عبده حلمت بيّا وأنا مدالها إيدي وبقولها ساعديني |فيديو

غادة إبراهيم
فن
غادة إبراهيم
الأحد 22/مايو/2022 - 03:12 م

كشفت الفنانة غادة إبراهيم، المحادثة التي دارت بينها وبين الفنانة فيفي عبده، مشيرة إلى أن الأخيرة روت لها حلمًا رأته خلاله تبكي وتطلب المساعدة.

وقالت غادة إبراهيم، في حوارها مع القاهرة 24: الأستاذة فيفي عبده، قالت لمدام جيجي حسني أخت دكتور عادل حسني، بصي يا جيجي حلمت بـ غادة، إنها بتعيط ومدالي إيدها بتقوللي ساعديني، مقدرتش أمسك نفسي وحضنتها وأنا بعيط قولت لها قد كده حاسة بيا؟، قالتلي الكلام ده في الجنازة واحنا في الجامع.

وأضافت غادة إبراهيم، أن الفنان الراحل سمير صبري، ساندها خلال أزمتها عام 2016 قائلة: سمير عشان عارفني من زمان مقبلش إن يتقال عليا كلمة، قال ده أنا عارفها وعارف أهلها كويس، إوعوا تتكلموا عليها هتتطلع براءة وطلعت براءة، الله يرحمه ويحسن مثواه، ويغفر له على قد الخير اللي عمله معايا وعمله مع كل الناس.

واستطردت غادة إبراهيم: سمير كنا بناخد منه زي مذكرات، متعرفيش السعادة اللي كان فيها أستاذ محمود العوضي، حتى كان منزل النهاردة صور ليه هو وسمير الله يرحمه من اللقاء الأخير اللي كان فيه في مصر، أخد منه حاجات ووافق معاه إنه هيعمل رحلة حياته في كتاب، غير حكايات العمر كله، كـ مذكرات، كان لسة عايز يعمل برنامج على الذكريات، كان دايمًا ذهنه حاضر، فنان شامل ومواهبه متعددة.

واختتمت غادة إبراهيم حديثها عن الفنان الراحل سمير صبري قائلة: الجمهور في إسكندرية كان في استقبال سمير لدفنه، معنى كده إن الراجل ده ساب بصمة وحب في قلوب الناس، يعني اشتغل 66 سنة علّم في قلوب الناس، عارفين يعني إيه فنان بجد حقيقي، هو غنى سكر حلوة الدنيا سكر، وهو سكر خلى الدنيا سكر.

تابع مواقعنا