مرتضى منصور: مفيش واحد عامل شعره زي الستات ولا واحدة لابسة محزق هيدخلوا النادي | بث مباشر
قال المستشار مرتضى منصور، رئيس مجلس إدارة النادي الزمالك، مساء الجمعة، خلال افتتاحه 3 حمامات سباحة وصالة ألعاب رياضية للسيدات في مقر القلعة البيضاء، عددًا من التصريحات المثيرة والهامة.
وكشف رئيس نادي الزمالك، أنه تم تجهيز حمامات السباحة وصالة الألعاب الرياضية للسيدات في غضون شهرين فقط تقريبًا، حيث أن مجلس إدارة القلعة البيضاء يسعى لتوفير خدمات جديدة وتقديم الرفاهية إلى كافة أعضاء الجمعية العمومية.
أبرز تصريحات مرتضى منصور
- إحنا دخلنا النادي ومكانش فيه جنيه واحد.
- انهاردة الحمدلله في ملايين موجودة في خزنة النادي.
- كل أحلام الزمالكاوية من الجماهير أوامر.
- هنفتتح النادي النهري والسور بتاعه يوم الخميس اللي جاي.
- افتتحنا جيم للسيدات في النادي بعد ما كان مقفول شهرين، وبقول لكل ست تخينة خسي عشان جوزك.
- هنعمل تخفيض على أسعار الجيم عشان الناس غلابة.
قوانين مرتضى منصور الجديدة لدخول نادي الزمالك:
- النادي مش هيخش فيه شاب عامل شعره زي الستات أو يكون لابسة سلسلة أمه أو مراته.
- بقول لكل زوج لو زوجته لابسة محزق ميخليهاش تيجي النادي.
- وبنتك لو لابسة المحزق من فضلك متخليهاش تيجي، عشان لو في ولد عاكسها وهي لابسة كده مش هقدر أحاسبه.
- أنا مش بخاف من حد عاوزين تقولوا عليا سلفي قولوا.
