الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

اعتراف بشرى وإشادة مجدي أحمد علي.. شهادات نجوم الفن عن إلهام شاهين في ندوة تكريمها

إلهام شاهين وبشرى
فن
إلهام شاهين وبشرى
الجمعة 10/يونيو/2022 - 10:17 م

حرص العديد من نجوم الفن على حضور ندوة تكريم النجمة إلهام شاهين بملتقى القاهرة للسينما والدراما العربية، برئاسة المخرج الدكتور أشرف أبو النجا، والتي أقيمت بالتعاون مع جمعية كتاب ونقاد السينما، في احتفالية بعنوان كيف تصنع التاريخ.. خلطة إلهام.

وتحدث مشاهير الفن عن إلهام شاهين وعلاقتهم بها، وأدلوا بشهادات عن مشوارها الفني.

بشرى: وأنا صغيرة مكنتش بحب إلهام شاهين

 

وقالت بشرى للفنانة إلهام شاهين: وأنا صغيرة مكنتش فهماكي ومش بحبك وكنت بحب الفنانات زي نيللي وشريهان ومكنتش فاهمة أم كلثوم برضوا، ويمكن ده بسبب إني اتولدت في بريطانيا وإن نشأتي مختلفة.

وأضافت بشرى عن إلهام شاهين: ولما شفت سينما أكتر وحبيت الفن، بدأت أحبك أكتر، وبقيتي جوايا وعشقي ليكي بدأ من الدراما التلفزيونية، وعشقت شخصياتك ودا حصل بالتدريج وبدأت أعاقب نفسي إني مشوفتش شغلك اللي قبل كدة، وقعدت أذاكر وقلت إن أنا اللي كنت سطحية وتافهة، ولما عرفتك وقربت منك حبيبتك أكتر، ومش هنسى وقوفك معايا لما الناس بتهاجمني، وتقولي لي اجمدي ولا يهمك.

تكريم إلهام شاهين 

مجدي أحمد علي يشيد بجيل إلهام شاهين

 

وأشاد المخرج مجدي أحمد علي بجيل النجمة إلهام شاهين، قائلا: ليلى علوي وإلهام شاهين بدلا أوارهما معا في فيلم يا دنيا يا غرامي، وبحس الجيل الجديد مش بيحب بعض زي الجيل بتاعنا.

 

وفاء عامر: إلهام شاهين أول واحدة بتساعدنا 

 

وتحدثت الفنانة وفاء عامر عن علاقتها بالفنانة إلهام شاهين، ومدى تأثيرها في الفن المصري. 

وقالت وفاء عامر خلال تكريمها في ملتقى السينما: إلهام شاهين ممكن تفكر تعمل فيلم بـ آخر جنيه معاها.. وأول واحدة بـ تساعدنا عشان خاطر السينما، وأثبتت إن الأدوار مش بحجمها. 

وواصلت وفاء عامر: أنا مهما تكلمت لن أوفيها حقها.. إحنا تعلمنا منها إن حجم الدور مش مهم وإن عمق الممثل أهم.

تابع مواقعنا