بيعرف يفك الخط.. هاني شاكر يوضح شروط التقدم لعضوية نقابة المهن الموسيقية
تحدث الفنان هاني شاكر، نقيب المهن الموسيقية، عن أزمته مع مطربي المهرجانات الشعبية، وإيقافهم وإحالتهم للتحقيق من حين لآخر.
وقال هاني شاكر في تصريحات تلفزيونية: أنا مقلتش ده يغني وده ميغنيش.. أنا قلت اللي عايز يغني يروح للنقابة واللي مش عايز ينزل على يوتيوب، أنا ممنعتش حد، اللي غنى البطة ده مش هيعمل حفلة يعني، التصاريح عملية تنظيمية يكفلها الدستور المصري مينفعش نقابيًا إن أي حد يمتهن مهنة بدون ترخيص، واللي عايز يسمعهم موجودين على يوتيوب.
وكشف هاني شاكر شروط التقدم لعضوية نقابة المهن الموسيقية، وقال: لازم شهادة تعليمية.. اللي مبيعرفش خالص يكون واخد محو الأمية وبيعرف يفك الخط على الأقل، ويكون مخلص تأدية الخدمة العسكرية.
وأضاف نقيب الموسيقيين هاني شاكر: شعبان عبد الرحيم كان بياخد تصريح يومي ونجح وحقق نجاح كبير،
ومطربي المهرجانات أداة ضغط السوشيال ميديا مدتهمش قوة.
يذكر أن نقابة المهن الموسيقية، كانت أعلنت في شهر سبتمبر الماضي إيقاف مطرب المهرجانات حسن شاكوش، عن الغناء بعد تراشقه بالألفاظ مع المطرب الشعبي رضا البحراوي في حفل الساحل الشمالي الصيف الماضي، مما أدى إلى إيقافهما، وإحالتهما للتحقيق.
