حمو بيكا: مرتبات اللي بيشتغلوا معايا أكتر من 90 ألف جنيه.. ومشيت ناس عشان مش قادر أقبضهم
قال مؤدي المهرجانات حمو بيكا، إن رواتب العاملين معه تتخطى 90 ألف جنيهًا شهريًا، والتي تأثرت بشكل كبير بعد إيقافه ومنعه من إحياء الحفلات في مصر.
وتابع حمو بيكا في تصريح خاص لـ القاهرة 24، أنه اضطر لتسريح بعض العاملين معه في شركته بسبب عدم قدرته على دفع هذه الرواتب: مش عارف أقبضهم بيشتغل معايا 13 واحد في الشركة، و7 في الفرقة وكلهم حالهم واقف.
وفي ذات السياق، قال مؤدي المهرجانات حمو بيكا: بعت عربيتي الرنج روفر عشان قلة الفلوس، ومبقتش عارف أشتغل في مصر ولا أعمل حفلات بسبب إيقافي، وكل حاجة قلّت، كنت بعمل حفلة وفرح في اليوم على الأقل وفي الصيف كنت بشتغل أكتر من 4 حفلات في الساحل دلوقت ده كله اتلغى.
وأضاف مؤدي المهرجانات حمو بيكا، أن نقابة المهن الموسيقية لا تريد إعطائه فرصة جديدة، بعد رسوبه المرة الأخيرة، وتربط فكرة إعطائه التصاريح بأزمته الأخيرة مع سكرتيرها أحمد رمضان.
حمو بيكا يوجه رسالة لطلاب الثانوية العامة
وسبق ووجه حمو بيكا، رسالة لطلاب الثانوية العامة، ونصحهم قائلًا: رسالة لطلاب الثانوية العامة والكليات، هو أنا آه مش متعلم وأخدت محو الأمية بالعافية لكن دي مش حاجة تفرح، ولا تقول عندك بيكا أهو مش متعلم بس ناجح، صدقوني والله طعم النجاح مع العلم مختلف تمامًا عن طعم النجاح من غير علم، العلم بيفرق في كل حاجة في الدنيا، كمية معاناة بشوفها يوميًا بسبب إني مش متعلم، ومش بتمنى حد منكم يشوفها أو يتعرض لها، العلم بيستر كتير أوي وبيخليك واعي ومتفتح في كل مجالات الحياة.
