رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

كان هيعورني بالسكينة.. صديق طالبة المنصورة يروي تفاصيل الواقعة

نيرة
كايرو لايت
نيرة
الإثنين 20/يونيو/2022 - 10:58 م

قال عبد الرحمن وليد صديق نيرة أشرف، طالبة  المنصورة، التي لقيت مصرعها، على يد زميلها أمام جامعة المنصورة، صباح اليوم، إنه حاول إنقاذ صديقته من يد القاتل، لكن حاول التعدي عليه أيضًا، ليستكمل جريمته.

صديق نيرة يروي تفاصيل الواقعة 

وأضاف عبد الرحمن عبر تويتر: زي ما قولت في النيابة، وفي القسم، وفي أمن الجامعة، كل اللي حصل بالظبط، أنا كان عليّ امتحان، وخارج من بوابة توشكى، الكلام ده الساعة 11، وأنا خارج، وبعدي الطريق الناحية التانية، سمعت صوت صريخ جامد، تلقائي جريت أشوف في إيه، وكنت أول واحد يوصل، شوفت منظر، عمره ما هيروح من بالي.

صديق نيرة 

كان هيعورني بالسكينة 

وتابع صديق المجني عليها: نيرة كانت واقعة على الأرض وغرقانة في دمها، وأول ما وصلت كان أدها طعنتين في صدرها، من فوق وأنا وصلت وهو بيدها التانية، زقته ووقعته على الرصيف، لكن قام تاني وحاول إنه يعوروني بالسكينة اللي معاه، فأنا غصب عني جريت، كان هو نزل للمرة التانية، وخبط الطعنة التالتة في رقبتها.

وواصل: وبعد لحظات بسيطة نيرة، وكانت فارقت الحياة، حقك مش هيضيع يا بنتي والله، وأنا أقسم بالله، لسه داخل بيتي من الصبح، بس علشان أكون سبب من الأسباب، إنه يتعدم إن شاء الله، ربنا يرحمك، ويغفر لك، ويصبر أهلك على فراقك.

وشهدت مدينة المنصورة صباح اليوم، واقعة مأسوية، أبكت الشعب المصري بأكلمه، حيث قام شاب لا يتجاوز عمره 21 عامًا، بذبح زميلته في كلية الآداب جامعة المنصورة، أمام الجامعة والمارة، نتيجة رفضها طلبه للزواج منها.