رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

خالد الجندي يعلق على واقعة المصري المتهم بسب لاعب مانشستر يونايتد: عمك راشفورد معجبوش الكلام وصرف وكلف

الشيخ خالد الجندي
دين وفتوى
الشيخ خالد الجندي
الأربعاء 22/يونيو/2022 - 07:11 م

علق الشيخ خالد الجندي، عضو المجلس الأعلى للشؤون الإسلامية، على واقعة الطالب المصري المتهم بالاعتداء بالسب والقذف على ماركوس راشفورد لاعب فريق مانشستر يونايتد الإنجليزي.

وقال خالد الجندي، عبر برنامج لعلهم يفقهون المذاع على دي إم سي: في حكاية لطيفة وصغيرة، في شاب من الشرقية من أولادنا، بيلعب أو بيتكلم عن النت أو بيراسل على النت زي ما ولاد كتير بيعلموا، وهبت في دماغه يشتم لاعب مشهور عالمي اسمه راشفورد لاعب فريق مانشستر يونايتد الإنجليزي.

خالد الجندي يعلق على واقعة الشاب المصري مع راشفود لاعب مانشستر يونايتد: عمك راشفورد لقطه ومعجبوش الكلام 

وأضاف خالد الجندي، عضو المجلس الأعلى للشؤون الإسلامية: الشاب مش عاجبه لعب راشفورد تقريبا فتلفظ بألفاظ عنصرية تتعلق بلونه أو عائلته أو أي شيء من هذا الكلام وشتيمة شتيمة شتيمة، على اعتبار ـنه قاعد في أبو حماد شرقية وهو فين، يعني أنا فين وراشفورد فين، وبيني وبينه مسافات، متابعا: لكن عمك راشفورد لقطه ومعجبوش الكلام وبعت 10 محامين دوليين لملاحقة الشاب في مصر.

خالد الجندي يعلق على واقعة الشاب المصري مع راشفود لاعب مانشستر يونايتد: راشفورد صرف وكلف علشان يعلم الغلطان الأدب

وواصل خالد الجندي، عضو المجلس الأعلى للشؤون الإسلامية: راشفورد اللاعب الإنجيليزي، صرف وكلف علشان يعلم الغلطان الأدب، وعلشان يقولك لست وحدك، وعلشان تبقى عارف إنك مش قاعد في الفسحة ولا على المصطبة، وعلشان يخليكي تنتبه لألفاظك اللي بتقولها.

واستطرد خالد الجندي، عضو المجلس الأعلى للشؤون الإسلامية: إنَّ العَبْدَ لَيَتَكَلَّمُ بالكَلِمَةِ مِن رِضْوانِ اللَّهِ، لا يُلْقِي لها بالًا، يَرْفَعُهُ اللَّهُ بها دَرَجاتٍ، وإنَّ العَبْدَ لَيَتَكَلَّمُ بالكَلِمَةِ مِن سَخَطِ اللَّهِ، لا يُلْقِي لها بالًا، يَهْوِي بها في جَهَنَّمَ.

وأردف خالد الجندي، عضو المجلس الأعلى للشؤون الإسلامية: حادثة راشفورد والشاب المصري معرفش وصلت لفين وهتنتهي على ايه، ابقوا تابعوها على السوشيال علشان تعرفوا اللي مبيفولش الكلمة وهو واخد باله منها بيحصله ايه.

وكان طالب مصري يدعى محمد عصام محمود، قام بالاعتداء بالسب والقذف على ماركوس راشفورد لاعب فريق مانشستر يونايتد الإنجليزي وووجه عبارات تحمل في طياتها العنصرية تجاه الأخير، ما دفع راشفورد إلى رفع قضية على الطالب.