حسن شاكوش عن حمو بيكا: الفلوس اللي بيعملها في مصر لا تقارن بحفلات دبي
حلّ المطرب حسن شاكوش ضيفًا على الإعلامي عمرو أديب، ببرنامجه الحكاية عبر فضائية إم بي سي مصر.
وخلال اللقاء قال الفنان حسن شاكوش: طول ما الناس بتبص على أرباح اليوتيوب ربنا مش بيبارك فيها حتى لو مليارات، ونفسي حمو بيكا يرجع يشتغل.
حمو بيكا عنده بيت
وأضاف مطرب المهرجانات حسن شاكوش: حمو بيكا عنده بيت وعيال، هو قاعد في دبي بس الفلوس اللي بيعملها في مصر لا تقارن بحفلات دبي، اللي بنعمله في حفلة واحدة في مصر مش بنعمله في دبي في حفلتين أو تلاتة، بلدنا خيرها كتير، واحنا كل اللي عايزينه نشتغل وناكل عيش.
وعقب المطرب حسن شاكوش، على إعلان الفنان هاني شاكر نقيب المهن الموسيقية؛ استقالته من منصب النقيب.
وقال شاكوش خلال حواره مع الإعلامي عمرو أديب، ببرنامجه الحكاية، مساء الاثنين، إن القرار كان مفاجئًا للجميع، مضيفا: احنا خسرنا كتير بابتعاد النقيب هاني شكر عن النقابة واتصدمت من الخبر، الفنان هاني شاكر قيمة وقامة كبيرة لا تعوض.
وأضاف شاكوش: حزين على اللي حصل النهاردة، ومكنتش متخيل إنه هيمشي، هاني شاكر جاب آخره وفاض بيه الكيل، وضغط ومشاكل النقابة أبعدت الفنان هاني شاكر عن الاهتمام بأعماله الفنية.
