مدحت تيخا: تامر حسني إنسان عظيم.. اهتمّ بـ أجري ووجود اسمي على تتر فيلم بحبك
شَكَرَ الفنان مدحت تيخا، النجم تامر حسني؛ بعد اختيار الأخير له للمشاركة في فيلمه الجديد: بحبك، إذ أشار إلى أن حسني اهتم بأجره في العمل، وترتيب اسمه على التتر، وغيرها من الأمور التي ساعده ودعمه فيها.
وكتب مدحت تيخا منشورًا، عبر حسابه الشخصي بموقع التواصل الاجتماعي فيسبوك: تامر حسني.. أنا لازم أقول قدام الناس كلها إنك أحسن نجم، أنا اشتغلت معاه من الجانب الإنساني، اختيارك ليا، واهتمامك الكبير بيا في كل حاجة، من أول أجري ودوري في الفيلم، وشكلي على الأفيش، واسمي في التترات، مفيش حد بيعمل كده خالص، إلا أنت، عشان كده ربنا بيحبك؛ لأنك فعلًا إنسان عظيم ونضيف، وبتعمل خير من قلبك بجد، مش مجرد شو إعلامي.
وتابع مدحت نيخا: يعني اللي عملته معايا ممكن محدش يعرفه خالص لو أنا مقولتش، وبالرغم من كده، عملته معايا، وأنا دلوقتي بمحض إرادتي، بقول للناس كلها، أهو اللي عملته معايا، عشان فعلًا أنت تستحق أني أشكرك قدام كل الناس.. أشكرك جدًا يا حبيبي، ربنا يوفقك ويسعدك، وتحقق كل اللي نفسك فيه يا رب، وأكتر كمان بإذن الله.
أبطال فيلم بحبك
وشارك في فيلم بحبك، مجموعة كبيرة من نجوم الفن، أبرزهم: تامر حسني، هنا الزاهد، هدى المفتي، مدحت إسماعيل، وهو من تأليف وإخراج تامر حسني.
