ابنك مفقود في المُحيط الهندي.. رسالة لـ والدة شاب غرق مركبه خلال رحلته إلى ليبيا
تشهد محافظة الفيوم، حالة من الحزن عقب تداول أنباء عن غرق الشاب سامح سيد شعبان كامل خريج دفعة، 2020/2021، من الأكاديمية البحرية الأردنية، إثر غرق مركب تجارية كان يعمل عليها سامح وكان عليها 12 آخرين، تم العثور على 10 أشخاص في المُحيط الهندي، وجارِ البحث عن اثنين آخرين من ضمنهما سامح حسب ما تداوله منشور أحد أفراد أسرته.
تجدر الإشارة إلى أن السفيرة نبيلة مكرم، وزيرة الدولة للهجرة وشؤون المصريين بالخارج، تحركت على وجه السرعة، وطلبت الأوراق الخاصة بالمصري سامح السيد، وأكدت أنها في تواصل مع السفارة المصرية بالأردن لمتابعة الموقف.
ونص منشور أحد أفراد أسرة سامح، على: أخويا مفقود في عرض البحر وفاضل يومين علي أنه يقدر يعيش من غير لأكل ولا شرب ومحدش بيتحرك.. بعد إذن الناس كله يعمل شير، حق أخونا وصاحبنا القبطان /سامح سيد شعبان كامل خريج دفعة 2020/2021 من الأكاديمية البحرية الأردنية شاب من الشباب المحبوبة والفئة المتوسطة داخل محافظة الفيوم دخل الكلية زي أي حد واتخرج وجه اخد شغل على مركب تجارية سافرت بيه شهر 2 ويتواصل معانا كل فترة من الفترات عادي.
ونص المنشور أيضًا على: الشهر اللي فات بعتلنا أنا المركبة اتخرمت وبايظة والناس مش عاوزين ينزلوهم ومكملين بيهم وبيلحموا السفينة طبعا اتجاهم ركبوا من اليابان وبعدين راحوا كوريا والصين المهم كذا بلد لحد جزر المالديف والسفينة اتخرمت طبعا وعملوها وتتخرم المهم إن سامح مصور لنا كل حاجة صوت وصورة والمركب بتدخل مياه جم يوم 20/6 عملوا مشاكل مع القبطان وراجعوا واحد مصري من الإسكندرية من كتر المشاكل اللي عملوها.
وتابع المنشور: يوم 14/7 غرقت المركب كانوا 12 واحد فالمياه نزلوا فزورق فالمياه فنص المحيط الهندي بلغوا استغاثة أقرب سفينة ليهم كانت على بعد 12 ساعة منهم بعد ساعة من غرق السفينة وقع سامح من علي الزورق فالمياه والموج اخده بعيد عن الزورق حاول صاحبه القبطان محمد جمال يلحقه بس للأسف البحر اخد الاتنين كانوا لابسين لايف جاكيت وبعدوا عن المركب بعد 10 ساعات من الحادث الزورق باظ وبعدها بساعتين السفينة جت اخدت ال 10 الفاضلين من ال 12 شخص اللي كانوا ع الزورق في سامح ومحمد مش موجودين ولا لقوا حتي جثثهم مش طالبين غير إن الناس تقف معانا عاوزين صاحبنا واخونا حتى لو جثته جدعان ساعدونا اللي يعرف حد يكلمه الراجل ده ولد وحيد أمه وأمه بتموت عليه لا عارفين هو عايش ولا ربنا توفاه.
