محطات من حياة القُبطان «سامح» المفقود في المُحيط الهندي.. ذهب للعمل فغرق بطموحاته|فيديو
شاب طموح كان كُل هدفه أنِّ يُصبح شابًا مُختلفًا صاحب مُستقبل باهر تَفخر به أسرته، درسَ بالأكاديمية البحرية الأردنية، وتخرج من دفعة 2020\2021، وتدرب على أكثر من مركب آخرهم مركب تجارية، والذي سماها البعض بـ المركب المنكوبة أو المركب المخرومة.. إنه القُبطان سامح سيد شعبان كامل، ابن محافظة الفيوم، والمُقيم رفقة أسرته بحدائق الأهرام، والذي غرق بـ أحلامه في المُحيط الهندي مُنذ أيام، إثر غرق المركب التجارية، الذي كان عليها 12 شخصًا كانوا في اتجاههم إلى السويس.
غرق القُبطان سامح سيد
لم تَكُن الحياة وردية تمامًا مع القُبطان، فعند انتقاله من المركب التجارية على إثر تهالكها كما رصدته بعض الفيديوهات الملتقطة بعدسته والتي أرسلها لأسرته وأصدقائه، إلى مركب الإنقاذ، غرق في المُحيط الهندي ثم غرق صديقه القُبطان محمد جمال، ابن محافظة الإسكندرية، أثناء محاولات منه لإنقاذ صديقه، حتى غرقا معًا، حتى أصبح السؤال السائر هما عايشين ولا ميتين؟، هما فين؟، بينما يحلم البعض أنِّ يكونا على قيد الحياة بمعجزة ربانية.
تعيش أُسر سامح ومحمد، حالة صعبة، حيث لا يعلمون إذا كان أبنائهما على قيد الحياة وتم إنقاذهما أم فارقوها، متأثران بغرقهما في المُحيط الهندي، وعن والدة وأشقاء سامح في حالة لا يرثى لها، وأيضًا زوجة وأسرة محمد في حالة صعبة غير مستوعبين ما حدث.
الأسرة تتلقى خبر صادم
فجر الثلاثاء الماضي، تلقت أسرة القُبطان سامح سيد، مكالمة هاتفية من أحد أصدقائه المرافقين له في المركب، بحسب ما روت شقيقته التوأم أميرة سيد، تُفيد بأن المركب غرقت الجمعة الماضي.
روت أميرة سيد، توأم القُبطان المفقود، تلقينا فجر الثلاثاء الماضي مكالمة هاتفية من صاحب سامح كان مرافق له في المركب، بـ:«غرق المركب، وأن سامح معرفش يتمسك بالزورق وأن الموج سحبه».
وأوضحت، حاولنا التواصل مع البعض هناك: «مش عارفين هو فين دورنا ومش لاقيينه بيقولولنا احتسبيه شهيد، إحنا اتبلغنا التلات ومكناش نعرف بغرق السفينة متبلغناش إلا التلات، ومش عارفة أوصل لأخويا، ومش عارفة أخويا فين عايش ولا ميت، ومش عارفة أجيب جثته حتى، مش عارفة أروح فين وأعمل إيه، عاوزة حق سامح عاوزة أي حد يجبلي أخويا من أي حته ومن أي مكان، أنا لا هحاسب حد ولا هقول لحد إعملي حاجة أنا عاوزة أعرف أخويا فين وعاوزة جثته ومش أكتر، وبعد كده نبقى نشوف الحساب».
الأم الثانية توفيت قِبل أيام
وفي ظِل الأيام الحزينة التي تمر على الأسرة عقب وفاة الأم الثانية للقُبطان، والذي توفيت مُنذ أيام بسيطة، قبل علم الأسرة بغرق المركب بـ 12 يومًا، كانت الأسرة قد أخفت نبأ وفاة الأم الثانية عن سامح لحبه لها وحبها له، وهي الأم للدكتورة سماح سيد.
وقالت الدكتورة سماح، شقيقة القُبطان سيد، في تصريحات خاصة لـ القاهرة 24: «سامح نور عيني أنا اللي سميته على اسمي، حته من أبويا الشكل والصفات، علمنا يوم الثلاثاء من اتصال هاتفي من والدة صاحب سامح والمركب غرقت الجمعة، إحنا مش عارفين الحقيقة فين هموت عليه مش قادرة استحمل، والدة سامح منهارة مش بتاكل ولا بتشرب».
وتمنَّت شقيقته لأبيه، عاوزين تحرك من السلطات، حتى نستطيع إنقاذه لو كان عايش، عاوزين نطمن على ابننا.
تجدر الإشارة إلى أن السفيرة نبيلة مكرم، وزيرة الدولة للهجرة وشئون المصريين بالخارج، تحركت على وجه السرعة، وطلبت الأوراق الخاصة بالمصري سامح السيد، وأكدت أنها في تواصل مع السفارة المصرية بالأردن لمتابعة الموقف.
بداية التفاصيل منشور على فيسبوك
تعود بداية التفاصيل إلى منشور يستغيث من خلال أحد أفراد أسرة القُبطان سامح سيد لإنقاذه: ونص المنشور على:«أخويا مفقود في عرض البحر وفاضل يومين علي انه يقدر يعيش من غير لاكل ولا شرب ومحدش بيتحرك، بعد إذن الناس كله يعمل شير، حق أخونا وصاحبنا القبطان، سامح سيد شعبان كامل خريج دفعة 2020/2021 من الأكاديمية البحرية الأردنية شاب من الشباب المحبوبة والفئة المتوسطة داخل محافظة الفيوم دخل الكلية زي زي أي حد واتخرج وجه اخد شغل على مركب تجارية سافرت بيه شهر 2 بيتواصل معانا كل فترة من الفترات عادي».
كما نص المنشور على تفاصيل «الشهر اللي فات بعتلنا أنا المركبة اتخرمت وبايظة والناس مش عاوزين ينزلوهم ومكملين بيهم وبيلحموا السفينة طبعا اتجاهم ركبوا من اليابان وبعدين راحوا كوريا والصين المهم كذا بلد لحد جزر المالديف والسفينة اتخرمت طبعا وعملوها وتتخرم المهم إن سامح مصورلنا كل حاجة صوت وصورة والمركب بتدخل مياه جم يوم 20/6عملوا مشاكل مع القبطان وراجعوا واحد مصري من الإسكندرية من كتر المشاكل اللي عملوها يوم 14/7 غرقت المركب كانوا 12 واحد ف المياه نزلوا في زورق ف المياه ف نص المحيط الهندي عنلغوا استغاثة أقرب سفينة ليهم كانت على بعد 12ساعة منهم بعد ساعة من غرق السفينة وقع سامح من علي الزورق ف المياه والموج أخده بعيد عن الزورق حاول صاحبه القبطان محمد جمال يلحقه بس للأسف البحر اخد الاتنين كانوا لابسين لايف جاكيت وبعدوا عن المركب بعد 10ساعات من الحادث الزورق باظ وبعدها بساعتين السفينة جت أخدت الـ 10 الفاضلين من الـ 12شخص اللي كانوا على الزورق في سامح ومحمد مش موجودين ولا لقيوا حتى جثثهم، مش طالبين غير إن الناس تقف معانا عاوزين صاحبنا واخونا حتى لو جثته ساعدونا اللي يعرف حد يكلمه الراجل ده ولد وحيد امه وامه بتموت عليه لا عارفين هو عايش ولا ربنا توفاه».
