هاني سرحان: أحضر مجلة للأطفال بعنوان حواديت ستي
كشف المؤلف هاني سرحان عن مشروعه الفني الجديد الخاص بالأطفال وهو مشروع مجلة حواديت ستي، والتي تتناول التراث والعادات والتقاليد المصرية في شكل رسوم كرتونية على طراز مجلات الأطفال القديمة.
وتابع هاني سرحان، في البرنامج الإذاعي الراديو بيضحك على راديو 9090: أنا متحمس إني أعمل حاجة للأطفال فبحضر بقالي فترة لمجلة حواديت ستي، وهي مجلة مهتمة بالتراث والعادات والتقاليد والهوية المصرية بشكل عام من خلال الحواديت وفيها 6 جدات كل جدة باسم وشخصية مختلفة في تيتا اللي بتحب الأكشن واللي بتحب المغامرات فكل واحدة منهم لها نمط وليها حدوتة وليها شكل.
وأضاف: شاغلني أوي موضوع الأطفال ده لأن واحنا صغيرين كان عندنا مجلات كتير بنقراها وبنشوف القصص عاملة إزاي فأنا بحاول أرجع ده.
وعن تخوفه بسبب اختلاف جيل الأطفال الحالي عن الجيل القديم، قال: أنا نفسي أنزل أول عدد من المجلة وبعد كدة أتمنى أني أقدر أحولها فيديوهات على اليوتيوب وابلكيشن وعندي أفكار كتير للأطفال وأتمنى أقدر أعمل ده.
وأكمل: الأجيال الجديدة تفتقد العادات والتقاليد والتراث والهوية اللي ضروري تعرفها لأنه مع الوقت الهوية بتاعتنا هتكون مفقودة.
أبرز أعمال المؤلف هاني سرحان
وكانت أبرز أعمال المؤلف هاني سرحان هي ثنائية الأب الروحي الذي خاض من خلاله في عالم المافيا وتجار المخدرات، ومسلسل لمس أكتاف والغوص في عالم المصارعة الرومانية، ومسلسل الاختيار.
