توقعت نجاح هنيدي وأحمد السقا.. أبرز تصريحات فادية عبد الغني التلفزيونية
حلت الفنانة القديرة فادية عبد الغني، ضيفة على أحد البرامج التلفزيونية، وتحدثت عن العديد من جوانب حياتها الشخصية بالإضافة إلى مشوارها.
ويعرض لكم القاهرة 24 أبرز تصريحات الفنانة فادية عبد الغني التلفزيونية
- كنت نجمة من قبل ما زوجي ينتج لي.. لكن دلوقتي أي واحدة بتطلع بفلوس جوزها.
- مفيش حاجة اسمها النجم الأوحد، وتوقعت النجاح لأحمد السقا، ومنى زكي، وحنان ترك، ومحمد هنيدي.
- إحنا عندنا سلو بلدنا البنت توصل 18 سنة يقولوا هتعنس؟ لأ يلا على بيت جوزها على طول، والموضوع ده قل دلوقتي بسبب الحالة الاقتصادية.
- الجواز بدري ده مسئولية، لأنه بيخلي الإنسان يكبر بدري، ويعجز بدري، أو يتعب بدري، يا إما تكون الجوازة حلوة أوي فالحياة تكون لطيفة.
- اتقال إني فرضت على بنتي الحجاب وحلقت لها شعرها علشان أمنعها من التمثيل، الناس دي بتعمل كده عشان تكسب من الكلام الفاضي والشائعات اللي ملهاش لازمة.
- طلعت عليا شائعة إني مُت من ناس محترمة، وعملوا ليا صوان وصوروا الفنانين اللي بيعزوا وأنا في بيتي كافية غيري شري بعديها بالصدفة تعبت وجالي كورونا وزعلت جدًا.
- بحس إن إحنا في الضياع لما بشوف 50 اسم مساعد على التتر، يعني أه حقك إنك تاخد وضعك بس بالمعقول.
- منى زكي بتمثل كل الألوان، وهند صبري ومنة شلبي، من الممثلات من العيار الثقيل، وبيمثلوا كل الألوان.
- في ممثلات كتير بيعملوا بطولات وهما الحقيقة لسه محتاجين وقت علشان يعملوا ده.
