رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

الأغنيتين مش شبه بعض.. محمود المنسي يعتذر لـ أكرم حسني بعد اتهامه بسرقة لحن للي

أكرم حسني ومحمد منير
فن
أكرم حسني ومحمد منير
السبت 30/يوليو/2022 - 01:38 م

اعتذر المطرب الشاب محمود المنسي إلى الفنان أكرم حسني، وذلك بعد اتهامه له بـ سرقة لحن وكلمات أغنيته ولد الهلالية، من خلال فيديو نشره عبر حساباته الشخصية في مواقع التواصل الاجتماعي، حيث تتشابه أغنية ولد الهلالية لـ محمود المنسي، وأغنية للي لـ محمد منير وأكرم حسني مع فلكلور شعبي.

وقال محمود المنسي: بالنسبة للجدل الذي أثير الأيام اللي فاتت بخصوص تشابه لحن أغنيه للي مع أغنيتي ولد الهلالية ومطالبتي بحقوقي الأدبية، فأنا حابب أوضح أكتر من نقطة، أنا لما نزلت أغنية للي وسمعتها، سمعت إن لحنها يكاد يكون متطابقًا مع لحن أغنيتي فأنا كفنان غيرت على شغلي وتعبي، وعملت فيديو أطالب فيه الناس إن هي تحكم، وعملت خطوات نحفظ فيها حقوقنا وقدمت شكوى على فيديو الشركة المنتجة واتقفل، من بعدها الشركة المنتجة تواصلوا معنا، وقعدت مع الفنان أكرم حسني، وبصراحة الراجل استقبلني في بيته، وأحسن ضيافتي، وكان في منتهى الأدب والذوق والاحترام بس موصلناش لحل.

وتابع: بعدها أخويا وصديقي الفنان أمير محروس تواصل معي وحاول يقرب وجهات النظر، وأنا بشكره جدًا من كل قلبي على مجهوده لحد ما رجعت لنفسي، وحطيت النوتة الموسيقية للأغنيتين جنب بعض لقيت فيهم تشابه كبير لكن مش تطابق، وهنا أدركت إني أسأت تقدير الموقف تمامًا، وزي ما أنا قلت قبل كده، إن الفلكلور ملك الجميع إنه يتصرف فيه فأنا استخدمت الفلكلور بتصرف وهو استخدمه بتصرف تاني، والنتاج الأخير إن الأغنيتين مش شبه بعض.

وأكمل حديثه عن الاتهامات الموجه له بسرقة الفلكلور، قائلًا: بالنسبة للاتهامات اللي بتقول إن أنا سارق من الفولكلور فأنا واخد بيت واحد بس من الفلكلور، وبنيت عليه أغنية 4 دقائق من إبداع المؤلف والملحن تقدروا تسمعوهم، وعندنا أمثلة كتير من الموضوع ده، واتعملت في أغاني كتير جدا أنتم بتحبوها زي على حسب وداد لعبد الحليم حافظ، زي أغنيه خطوة يا صاحب الخطوة من ألحان عزيز الشافعي وأغاني تانية كتير جدا.

محمود المنسي:  ضايقني عناوين السوشيال ميديا.. وأكرم حسني أخ كبير

وعبر المنسي عن استيائه الشديد من مواقع التواصل الاجتماعي، قائلا: كمان ضايقني بشكل كبير عناوين السوشيال ميديا اللي بتقول إن أنا بتهم أكرم حسني بالسرقة، وده محصلش إطلاقا في أي تصريح مني، لو الكلام تحور ووصل لك بالشكل ده، فحقك عليا أنت أخ كبير، وفنان مبدع، وكلام زي ده ولا يأثر إطلاقا في حد بتقلك، فكان لازم أطلع تاني وأوضح سوق التقدير وأعترف بغلطي.

واختتم حديثه متمنيًا النجاح لـ أغنية للي، معقبًا: حابب أبارك لفريق عمل أغنية للي، ومبروك الكينج وجمهوره على طول في حتة تانية.