رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

أنت خايف من إيه؟.. محمد بركات ينتقد تصريحات سواريش بعد مباراة المصري

ريكاردو سواريش
رياضة
ريكاردو سواريش
الجمعة 12/أغسطس/2022 - 12:55 ص

انتقد محمد بركات عضو مجلس اتحاد الكرة، تصريحات المدرب البرتغالي ريكاردو سواريش، المدير الفني لفريق الكرة الأول بالنادي الأهلي، عقب لقاء المصري البورسعيدي في الدوري الممتاز، حول عدم الاعتماد على بعض اللاعبين الناشئين.

محمد بركات يهاجم سواريش

وقال بركات، في تصريحاته تليفزيونية: الكلام اللي قاله سواريش بعد مباراة المصري، مش مقنع بالنسبالي، كنت أتمنى إنه يكمل باللاعبين الناشئين، زي أحمد سيد غريب، وزياد طارق.

وأضاف بركات: أنت خايف من إيه؟، ما تلاعب الناس دي، لعِّيبة عندها شخصية قوية، وأثبتت ده قدام الاتحاد.

وواصل تصريحاته: لكن برضو الكورة مش عافية: ولازم ندي لـ سواريش فرصة قبل الحكم عليه.

وأشار بركات خلال تصريحات: فيريرا اللي مكسر الدنيا مع الزمالك دلوقتي، في أول 11 لقاء، مكانتش أرقامه كويسه، لكن الزمالك تجاهل الانتقادات، ودلوقت الراجل متصدر الدوري.

واختتم حديثه: لازم نصبر على سواريش، وواثق إن إدارة الأهلي هتحكم عليه؛ بعد ما تديله الفرصة كاملة.

محمد بركات ينتقد صلاح محسن ويحذر لاعبي الأهلي

وفي سياق آخر، انتقد محمد بركات مستوى صلاح محسن مهاجم فريق الكرة الأول بالنادي الأهلي، موجها نصيحة خاصة للاعبي الأهلي.

وقال بركات عن مستوى صلاح محسن: كل الأندية في الدوري بتستفاد وبتتضر من التحكيم، ولو هتكلمني عن ماتش الأهلي والمصري؛ ما أنت ممكن تشوف ماتش فاركو، وجون الأهلي، اللي في كلام بيتقال عليه. 

وعن ضياع فرصة صلاح محسن مهاجم الأهلي في مباراة المصري، قال: صلاح مش مصدق نفسه إنه ضيع الفرصة، ولو جاتله 100 مرة؛ كان هيجيبها، صلاح محسن المفروض هداف، وكان باين إنه لاعب كويس من وهو في إنبي، وكان سبب في ارتفاع الأسعار بالنسبة لِلَعِّيبة المصريين. 

وختم حديثه، قائلا: الفترة الجايه في الأهلي، محدش يآمن، إوعى أي لاعب يضمن إنه ممكن يكون موجود، اللاعب اللي هيقعد؛ هو اللي الإدارة والجهاز الفني شايفين إنه يستحق يقعد، مهما كانت نجوميته، وشوفنا زياد طارق عمل إيه في ماتش الاتحاد، فهو مشروع نجم، ومشروع هداف، وكذلك أحمد سيد غريب.

تابع مواقعنا