رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

بعد نشر القاهرة 24.. إسعاد يونس تحقق حلم الطالبة مونيكا وتفاجئها: تطلعي معايا في صاحبة السعادة؟ | فيديو

إسعاد يونس ومونيكا
كايرو لايت
إسعاد يونس ومونيكا
الجمعة 12/أغسطس/2022 - 11:41 م

استجابت الفنانة إسعاد يونس، لمطلب الطالبة مونيكا رامي، الحاصلة على مجموع 91% في الثانوية العامة هذا العام، رغم خوضها رحلة طويلة مع مرض السرطان.

إسعاد يونس تحقق حلم طالبة 

وفاجأت إسعاد يونس، مونيكا في مداخلة هاتفية خلال برنامج مصر تستطيع المذاع على فضائية دي إم سي، حيث أبدت إعجابها الشديد بـ مونيكا، قائلة: يا قمر، إنت هتنفعي في الإعلام موت.. وأنا هطلع معاكِ في أول حاجة تسجيلها.

وأضافت إسعاد يونس: إنت هتطلعي معايا قريب، أنا هشوفك في القريب، وهتيجي تقعدي معايا وأنا بصور صاحبة السعادة، موافقة؟.. لترد مونيكا: أكيد.

وتابعت إسعاد يونس، التي تقدم برنامج صاحبة السعادة: أنا فخورة بيك يا حبيبتي، وفخورة إنك قررتي إنك تشوفيني، لأن ده تكريم ليا، وإنت نموذج رائع لشابة قدرت تواجه الصعوبات، وتعلمنا دروس إننا منتعودش على النِعم، علمتينا إننا نقف ونكافح، إنت النهاردة بتدينا درس إنت.

وأكملت حديثها عن مونيكا: عندها رؤية، واخدة قرارات رغم المحنة اللي واجهتها، شخصيتها جيدة واتربت كويس في بيت فيه راجل عارف يعني إيه ينجب وإيه رسالته، وإنه يوصل ببنته.

الطالبة مونيكا تتحدث عن حلمها

وقالت مونيكا، في تصريحات سابقة لـ القاهرة 24، إن حلمها هو مقابلة الفنانة إسعاد يونس: عندي أحلام كتيرة أوي نفسي أحققها، أولها أدخل كلية الإعلام، وأقابل إسعاد يونس، لأنها قدوتي، ونفسي أوي أجيب موبيل أيفون 13، وأحدث كاميرا نيكون، عشان بحب التصوير.

وأضافت مونيكا: اكتشفنا المرض يوم 29 يناير 2013، لما روحت مستشفى 57 عشان نكشف، عملولي رنين، والدكاترة حولتني بسرعة على مستشفى تاني، لأن مكنش في مكان، وحالتي كانت خطيرة.

https://fb.watch/eSmfbwHK42/
تابع مواقعنا