رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

مراد فكري صادق: الناس افتكرت إني مدمن بسبب فيلم الألماني.. وزهقت من أدوار البلطجة

مراد فكري صادق
فن
مراد فكري صادق
الثلاثاء 16/أغسطس/2022 - 06:48 م

استنكر الفنان مراد فكري صادق، الهجوم الذي تلاقاه وعدد من زملائه بسبب تجسيدهم لأدوار البلطجة في الأعمال السينمائية والدرامية، مؤكدًا أن هذه ليست حياتهم الحقيقية ولكن استطاعوا إتقان الأدوار التي تسند إليهم.

وقال مراد فكري، في تصريحات خاصة لـ القاهرة 24، إنه بالرغم من الانتقادات الموجهة إليه ولكنه يعتبرها جزء من نجاحه: الفترة اللي فاتت فيه فنانيين كتير اتعرضوا لنقد شرس على مواقع السوشيال ميديا وخاصة صفحات الفيس بوك، بسبب إننا نجحنا في أدوار البلطجة، الناس فاكرة إننا كده في الحقيقة وإن طبيعتنا ودي حياتنا، لكن والله الموضوع مش كده خالص، الموضوع كله إننا ذاكرنا كويس جدًا بنتقمص الشخصية كويس جدًا وأنتوا صدقتوها وده شيئ كويس بالنسبة لنا وبنعتبره من خطوات النجاح.

وتابع مراد فكري: في مننا كتير أكادميين وخريجين جامعات كويسة جدًا بس هو الموضوع كله مدى المصداقية اللي قدمناها في الشخصيات ونجحت، زي شخصية سيد صرصار في مسلسل ابن حلال، الشخصية نحجت جدًا لدرجة إن في ناس افتكرت إن أنا فعلًا ساكن في عزبة الصعايدة، وزي شخصية إيكا في فيلم الألماني، ناس صدقتها لدرجة إنهم اقتنعوا إن أنا مدمن برشام في الوقت ده بسبب إتقاني للدور، أنا بحب أنجح في شغلي وكتير من الزملاء بيحبوا ينجحوا في شغلهم وده مش عيب ومش غلط.

أما عن سبب حصره في أدوار البلطجة، فأوضح أنه لا يعلم السبب ولكنه رفض العديد من هذه الأدوار خلال الفترة الماضية، قائلًا: مش عارف هما ليه حصروني في أدوار الشر والبلطجة، وده خلاني اعتذر عن أعمال درامية كتير جدًا الفترة اللي فاتت لأني مش حابب أعمل ده، أنا عملت ده ونجحت فيه في أفلام كتير ومسلسلات، لكن أنا زهقت وعايز أعمل حاجات جديدة واتقدم بشكل جديد، فبقى عندي صوة الرفض للحاجات اللي أنا بالفعل نجحت فيها مع الناس.

تابع مواقعنا