فريدة سيف النصر: رد محمد رمضان على الفيديو المنسوب إليه يؤكد رجولته
دافعت الفنانة فريدة سيف النصر، عن الفنان محمد رمضان بعد الانتقادات التي تعرض لها مؤخرًا بسبب بالفيديو المنسوب إليه وطريقة دفاعه عن نفسه التي وصفها البعض بغير اللائقة.
وقالت فريدة سيف النصر لـ القاهرة 24: رد محمد رمضان على الفيديو المنسوب ليه أقل واجب، لو ما ردش كده مكنش يبقى راجل، ده ابن بلد مش من الزمالك وطلع عين أبوه ده كده مؤدب في رده، هاجمني زي ما أنت عايز لكن تتكلم في عرضي أشعقلك.
وتابعت: مستغربة الناس اللي صدقت الفيديو المنتشر مع أن كل أهل أسوان والأفارقة شبهه.. واللي مش عاجبهم رده يولعوا بجاز، هما مستنين منه يقول سوري كده علشان يبان ناعم ومايص لكن رده رجولة.
اشتغلت مع عمالقة كبار ومن حقي اشتغل مع العمالقة الشباب زي محمد رمضان
واستكملت: الناس اللي بتقول أني بطبل لمحمد رمضان علشان الشغل، عادي ما أنا اشتغلت معاه موسى، وعندي شغل معاه تاني ما وماشتغلش معاه ليه أنا اشتغلت مع العمالقة الكبار كلهم، ومن حقي اشتغل مع العمالقة الشباب وهو عملاق وواخد شهرة عالمية ده كلام ربنا الصح، لأنه فتح له باب المحبة وباب الرزق من وسعه واللي مش عاجبه يحاسب ربنا.
وواصلت: أي حد ناجح في مصر بيكرهوا في نفسه، حتى محمد صلاح، ومجدي يعقوب طلعوا عليه أنه عجز وبيترعش.
وكانت فريدة سيف النصر كتبت بوست دافعت من خلاله عن محمد رمضان، جاء فيه: يا محمد حقك عند الله.. مش للدرجة دي الحقد أبدا.. فعلا الشجرة المثمرة تحدف بالطوب بس أنت بيحاولوا يقطعوا جذورها الله معك يابني بيكرهوا الناجحين. فما بالك أنت.. فا لما تلاقي نفسك متهاجم اوي افتكر الموسيقار محمد عبد الوهاب اتشتم شتيمه مالهاش حد واتهامات وسرقه الحان وقرف من ناس قرف نفوسهم سوداء وقلوبهم متفحة.
