الأربعاء 22 مايو 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

تامر حسني معلم كبير ومقدرش أضيف لحد حاجة.. أبرز تصريحات أيمن بهجت قمر التلفزيونية

أيمن بهجت قمر
فن
أيمن بهجت قمر
السبت 20/أغسطس/2022 - 06:05 ص

حل الشاعر أيمن بهجت قمر، ضيفًا علة إحدى البرامج الحوارية، وتحدث خلال اللقاء عن مشواره الفني، وتجاربه مع الفنانين، كما كشف لأول مرة عن تفاصيل خلافه مع الفنان حسين الجسمي.

ويرصد لكم القاهرة 24 أبرز تصريحات الشاعر أيمن بهجت قمر التلفزيونية

  • وفاة والدي كانت السبب في اتجاهي لكتابة الأغاني.
  • تامر حسني معلم كبير ومدرسة في التسويق في التسويق.
  • محمد حماقي زكي جدًا وموهو جدًا ولكن تقيل أوي، والتقل ده في الزمن اللي إحنا فيه بيضيع حاجات كتير.
  • مقدرش أضيف لحد حاجة، أنا بضيف لنفسي إني حاجة جيدة ومميزة، ولكنهم نجوم كُبار.
  • بهاء سلطان صوت مفتقده وسلاح في إيدي مش معايا، ده صوت مصري جدًا، وزي ما اهتميت بـ حسين الجسمي، لازم اهتم بصوت بهاء، وهعمله أغنية نازلة قريب في فيلم تحت تهديد السلاح.
  • علاقتي بـ عمرو دياب من قبل ما اشتغل معاه بـ 7 سنين، هو كان يعرف والدي، ولكني اتعرفت عليه من خلال الموزع الكبير طارق مدكور.
  • أغنية لسة بتحبوا يا قلبي، بداية تعاوني الحقيقي مع عمرو دياب.
  • أنا محظوظ بتاريخي مع عمرو دياب، وولادي من بعدي يعتزوا بيه.
  • شيرين مركزة جدًا بقى لها فترة، وعامل لها أغاني حلوة وسعيد بيها، وهي مختارة أغاني رائعة.
  • شيرين هتعمل بروباجاندا الفترة الجاية، ومصر مافيهاش كتير زي شيرين هي شيرين واحدة، وصوت قريب من قلوب المصريين، وطبعًا الصناعة محتاجة لأصوات شيرين.
  • شيرين بتختار أغانيها بحرفية، وعندها سينس عالي، وتستعد لطرح أغنية جديدة بالتعاون مع عمر مصطفى وأمير طعيمة ستكون مفاجأة، وطبعًا شيرين كوكتيل من الأصوات لأن صوتها شقي وحزين وقوي.
  • شيرين ابتعدت فترة عن طرح الألبومات، ولما نزلت أغنية الناس كلها غيرانة عملت ضجة، لأن الناس بتحب شيرين.
  • أنا اكبر من التحدث في شئون مالية مع حسين الجسمي ولكني أقول له ابعد عن حقوق أولادي، قدمنا معا أكثر من 20 أغنية منها 15 كسرت الدنيا.
  • أنا وحسين الجسمي عدينا مرحلة إننا نتخانق على التنازلات وصيغتها، لأن مفيش بينا كده إحنا إخوات ومفيش بينا شيطان، وفي بينا نجاح وكيمياء حلوة.
  • تفاجأت إن حسين الجسمي، باعت صيغة تنازل ملهاش أي مبرر، كأني بديله حقوقي وحقوق ولادي وأحفادي، يعني بديله كل حاجة وكأن أنا ليس لي أي حق أدبي ولا مادي في الأغنية، وبلا مبرر.
  • قولت لـ حسين الجسمي، المنطقة بتاعت التنازلات والعقود دي بيدخل فيها الشيطان، وأنا عمري ما غدرت بيك في حاجة ولا بعتلك أي إنذار، وعمري ما طمعت فيه.
  • مفيش خلاف لي مع حسين على حاجة، ولكنه عايز ياخد كل الحقوق اللي بينص عليها قانون الملكية الفكرية، ولكن في حقوق مبنتنازلش عنها، زي حقوق الأداء العلني، وحقوق إعادة النشر، ولو الأغنية حد عايز يعملها إعلان.
تابع مواقعنا